واشنگٹن ۔24اکتوبر (اے پی پی): ھزانگءُ رینیو ءِ بنجاہی وزیر سینیٹر محمد اورنگزیب ءَ گوں متحدہ عرب امارات ءِ مالیاتی کارانی ملکی وزیر محمد بن ہادی الحسینی ءَ گوں گند ءُ نند کت ءُدو نیمگی اقتصادیءُ تجارتی سیادی ءِ دیمروئی ءِ بابت ءَ گپ ءُتران کت۔ وزارت ءِ ھزانگ ءِ نیمگ ءَ جاڑی بوتگیں بیان ءِ رد ءَ ھزانگ ءِ وزیر ءَ پاکستان ءِ درائیں اکاؤنٹس آنی تہ ءَ امارات ءِ نیمگ ءَ چہ مُدامی کمک ءِ ساڑاتگ ، ھاسیں رنگ ءَ اماراتی بینک آنی کرد ءَ را ساڑاتگ ۔ آئی ءَ کشت ءُ کشاری، آئی ٹی ءُ کان کنی ءِ شوبگ آنی تہ ءَ سرمایہ کاری ءِ موہ آنی سر ءَ زور پر دات ءُ امارات ءِ کمپنی آناں اے شوبگ آنی تہ ءَ سرمایہ کاری ءِ دعوت دات۔
