دولت مشترکہ ءِ دری کارانی وزیر آنی دیوان ءَ نائب مزن وزیر محمد اسحاق ڈار ءِ بھر زوری ، ٹوھیں  ءُ  جوانیں دیمروئی ءَ را دیم ءَ ودینگ ءِ واستہ  پاکستان ءِ بے دروریں  جزم ءِ درشان

اسلام آباد۔24اکتوبر  (اے پی پی): دولت مشترکہ ءِ سروک حکومت ءِ دیوان ءَ چہ پیسر نائب مزن وزیر ءُ درئی کارانی وزیر   محمد اسحاق ڈار ءَ دولت مشترکہ ءِ درئی کارانی وزیر آنی دیوان ءَ بہر زرتگ۔ دری کارانی کارگس ءِ جارچین ممتاز زهرہ بلوچ ءَ پنچ شمبے ءِ روچ ءَ پریس بریفنگ ءِ تہ ءَ گوشت کہ نائب مزن وزیر ءُ  وزیر ءِ درئی کار ءَ وزارتی گند ءُ  نند ءَ  پاکستان ءِ ھواری   ،   ساپ ءُ سلہ ایں  دیمروئی  ءِ  ھاتر ءَ ھاسیں رنگ ءَ دولت مشترکہ ءِ اصول آنی سر ءَ ، جوانیں  چاگرد آنی دیمروئی ءِ ھاتر ءَ بے دروریں جزم   ءِ درشان کت۔ آئی ءَ دراج بریں   دیمروئی ءِ مول ءُ  مراد آنی سر ءَ سر بوھگ ءِ واستہ پاکستان ءِ دلگوشی ءِ گوما دولت مشترکہ ءِ دیمروئی ءِ ھاترا ’’صنفی برابری ءُ  نسل آنی نیام ءَ گپ ءُ  تران‘‘ ءِ سر ءَ دلگوشی ءِ سر ءَ زور پر دات۔ جارکش ءَ گوشت کہ نائب مزن وزیر ءَ دیمروئی کنوکیں چاگرد آنی تہ ءَ دولت مشترکہ ءِ ملک آنی نیام ءَ کمک ءِ ارزشت ءِ سر ءَ زور پر دات کہ آ جھان ءِ چیلنجز آنی گوما ھمگرنچ بہ بنت۔ آئی ءَ موسمیاتی ردوم ءُ  آفت ءِ گر ءُ  ڈار  ءِ واستہ پاکستان ءِ جزم   ءِ سر ءَ زور پر دات ءُ  سرجمیں ملک ءَ آفت ءِ گر ءُ  ڈار  ءِ ھمگرنچی ءَ را گیش کنگ ءُ  چاگردی رکھینگ ءِ منصوبگ آنی سر ءَ عمل کنگ ءِ واستہ وتی کوشست آناں درشان کت۔ محمد اسحاق ڈار ءَ یکجائی چیلنج آنی مھکمیں گیواری ءِ واستہ باسکیں ملک آنی گوما کار کنگ ءِ واستہ دولت مشترکہ ءِ پاکستان ءِ سرجمیں کمک ءِ ھم درشان کت۔  آسئی  ءَ گوشت   کہ نائب مزن وزیر محمد اسحاق  ڈار  ءَ ساموا  ءَ   ساموا ءِ مزن وزیر فیام  نومی  مطاف،  سنگاپور ءِ وزیر  ءِ درئی کار  ڈاکٹر   ویوین  بالا  کرشنن،   رواانڈا ءِ وزیر ءِ درئی کار اولیور  جے پی ندو ہو نگیرے،  زر باری افریقہ  ءِ  نائب    وزیر ءِ درئی کار اینا تھانڈی  موراکا، سینٹ کٹس  اینڈ  نیوس ءِ وزیر  ءِ درئی  کار، ٹو گو  ءِ وزیر  تجارت  ءُ دولت   مشترکیہ  ءِ سیکرٹری   جنرل پیٹر یسیا   سکاٹ    لینڈ  ءَ گوں   گند ءُ نند  کتگ۔