نائب مزن وزیر اسحاق ڈار  ءَ ساموا  ءِ دولت مشترکہ کاروباری فورم ءَ گوں تران کنان ءَ کار ءِ  ھاٹیگ  ءَ را کارمرز   کنگ ءِ واستہ وانگ ءُ  زانگ، ازمکاری    آنی دیمروئی ءُ  صنعتی کنگ ءِ تہ ءَ ترندیں سرمایہ کاری ءِ ضلورت اِنت

اسلام آباد۔24اکتوبر  (اے پی پی): نائب مزن وزیر ءُ درئی کارانی وزیر سر محمد اسحاق ڈار  ءَ کمک، تجارت ءُ سرمایہ کاری ءِ پلیٹ فارم ءِ بستار ءَ دولت مشترکہ ءِ کاروباری فورم ءِ ھاسیں کرد ءِ ضلورت ءِ سر ءَ زور پر دات کہ ایشی ءِ وسیلگ ءَ دولت مشترکہ ءِ لاکھوں مردم ھوار بنت۔ فائدہ مند بیت۔ پنچ شمبے ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ نائب مزن وزیر ءَ ساموآ ءَ دولت مشترکہ ءِ بزنس فورم ءَ گوں وتی گشتانک ءَ آئی ٹی انفراسٹرکچر ءُ  دیمروئی ءِ تہ ءَ سرمایہ کاری ءَ را گیش کنگ ءِ لوٹ کتگ تانکہ دولت مشترکہ ءَ اقتصادی نوکیں رنگ ءُ  پیداواری گنجائش ءَ را گیش کنگ بہ بیت۔ زور دیگ بوت۔ محمد اسحاق ڈار ءَ گوشت کہ دولت مشترکہ ءِ تہ کار ءِ گنجائش ءَ را گیش کنگ ءِ ارزشت ءِ سر ءَ دلگوشی دیگ ءِ ضلورت اِنت۔ آئی ءَ گوشت کہ وانگ ءُ  زانگ، ازمکاری    ءِ دیمروئی ءُ  صنعتی کنگ ءِ تہ ءَ کارکن آنی توانائی ءَ را کارمرز   کنگ ءِ واستہ ترندیں سرمایہ کاری کنگ بہ بیت کہ ٹیکنالوجی ءِ نوکیں ءُ  اقتصادی بدلی ءِ کلیتی  ڈرائیور اَنت۔ نائب مزن وزیر محمد اسحاق ڈار  ءَ دولت مشترکہ ءِ وشھالی ءِ تہ ءَ بھر زوری ءِ واستہ پاکستان ءِ جزم ءِ پدا زور دات ءُ  گوشت کہ پائیڈار  دیمروئی، دولت مشترکہ ءِ تہ ءَ تجارت ءِ تہ ءَ گیشی ءُ  اقتصادی ءُ  چاگردی دیمروئی ءِ واستہ یکجائی وژن ءِ زورگ المی اِنت۔ آئی ءَ پاکستان ءِ راجی کوشست آنی ھم ھال دات کہ ایشی ءِ مول ءُ  مراد آئی ءِ کار ءِ توان ءَ را توانمند کنگ ءُ  ترندی ءَ گوں دیمروئی کنوکیں جھان ءِ معیشت ءَ گوں لیس کنگ اِنت۔