مزن وزیر شہباز شریف ءَ گوشت کہ ٹیکس ءُ  ریونیو ءِ نظام ءَ را کارآمد جوڑ کنگ ءِ واستہ نوکیں ٹیکنالوجی ءِ کارمرزی   سک باز المی اِنت، ٹیکس دہندگانی واستہ دوستیں چاگرد ءِ پجارینگ  سک باز المی انت

اسلام آباد۔24اکتوبر  (اے پی پی): مزن وزیر محمد شہباز شریف ءَ گوشت کہ ٹیکس ءُ  آمدنی ءِ نظام ءَ را کارآمد جوڑ کنگ ءِ واستہ نوکیں ٹیکنالوجی ءِ کارمرزی   سک باز المی انت، ٹیکس دہندگانی دوستیں چاگرد ءِ پھجارینگ ءِ واستہ۔ پنچ شمبے ءِ روچ ءَ مزن وزیر کارگس ءِ پریس ونگ ءِ نیمگ ءَ جاڑی بوتگیں جار ءِ رد ءَ مزن وزیر محمد شہباز شریف ءِ سروکی ءَ ایف بی آر ءَ اصلاحات ءِ دیمروئی ءِ ھوالگ ءَ برجم داشتگیں دیوان ءِ موہ ءَ مزن وزیر ءَ ہدایت کت کہ ایف بی آر ءِ افسر آناں گہتر کنگ بہ بیت ایشی ءَ را گیش کنگ ءُ  جوانیں رنگ ءَ کارمرز   کنگ ءِ ھاترا گامگیج چست کنگ بہ بیت۔ مزن وزیر ءَ پاکستان ریونیو آٹومیشن لمیٹڈ ءِ نوک جوڑیشت ءِ واستہ پلان آف ایکشن ءِ جوڑ کنگ ءِ ھم ہدایت کتگ۔ ملک ءَ ٹیکس ءُ ریونیو ءِ نظام ءَ را کارآمد جوڑ کنگ ءِ واستہ نوکیں ٹیکنالوجی ءِ کارمرزی   سک باز المی انت ۔ مزن وزیر ءَ ملک ءَ انسداد ٹریفکنگ ءِ نظام ءَ را گیش موثر جوڑ کنگ ءِ ہدایت کت ءُ  گوشت کہ ایف بی آر ءَ ٹیکس دہندگانی واستہ دوستانہ ماحول ءِ پجارینگ بہ بیت اے گپ ءَ را دل یکیمی کنگ ءِ ہم پنت ءُ شون  کت۔