استنبول۔23اکتوبر (اے پی پی): بنجاھی تہی کار ءِ وزیر محسن نقوی ءَ گوں ترکیہ ءِ وزیر دیمپانی یاسر گلر ءَ استنبول ءَ ھاسیں گند ءُ نند کتگ۔ ترکیہ ءِ وزیر دیمپانی ءَ استنبول ءَ بوتگیں انٹرنیشنل ایکسپو ءَ بھر زوری ءِ ھاتر ءَ بنجاھی وزیر تہی کار محسن نقوی ءِ منت گپت۔ تہی کارانی وزیر محسن نقوی ءَ ترکیہ ءِ وزیر دیمپانی ءَ را پاکستان ءَ آئیڈیاز ایکسپو ءَ بہر زورگ ءِ دعوت داتگ۔ گند ءُ نند ءَ وت مہ وتی سیت ءِ جیڈھ آنی ھوار پاک ءُ ترکیہ ءِ سیادی آنی دیمروئی ءِ ھوالگ ءَ سرجمی ءَ گپ ءُ تران بوت، جتا جتائیں شوبگ آنی تہ ءَ پاکستان ءُ ترکیہ ءِ نیام ءَ کمک ءُ تجارت ءِ تہ ءَ گیشی ءِ ارزشت ءِ سر ءَ زور پر دات۔ دوئیں وزیر آں پاکستان ءُ ترکیہ ءِ نیام ءَ دو نیمگی کمک ءِ استیں رفتار ءَ را ساڑات۔ گند ءُ نند ءَ یکے دومی ءِ جوانیں مفاد ءِ واستہ کمک ءَ را گیش کنگ ءِ گیشیں راہ ءُ درانی شوھازگ ءِ واستہ وتی جزم ءِ پدا پدر کنگ بوت۔ گند ءُ نند ءَ پاکستان ءَ چہ گوشت ءِ برآمد ءِ تہ ءَ گیشی ءِ بابت ءَ ھم گپ ءُ تران کنگ بوت۔ ترکیہ ءَ پاکستان ءَ چہ گوشت ءِ برآمد ءِ ھاتر ءَ ھرچ وڑیں کمک ءِ پیشکش کتگ۔ وزیر تہی کار محسن نقوی ءَ ترکیہ ءِ وزیر ءِ گوشت ءِ برآمد کنگ ءِ پیشکش ءَ را وش اتک کتگ۔ تہی کارانی وزیر محسن نقوی ءَ گوشت کہ تجارت ءَ ھوار جتا جتائیں شوبگ آنی تہ ءَ کمک ءِ تہ ءَ گیشی ءِ واستہ ترکیہ ءِ حکومت ءَ را وش آتک کناں، پائیڈار بنیات آنی سر ءَ دو نیمگی کمک ءِ جوڑ کنگ ءِ واستہ وت مہ وتی ڈل ءِ تر ءُ تاب المی اِنت۔ وزیر تہی کار محسن نقوی ءَ استنبول ءَ میاں اوستمانی نمائش ءِ واستہ ترکیہ ءِ حکومت ءِ جوانیں بندوبست آناں ساڑات۔ اے موہ ءِ سر ءَ ترکیہ ءِ سرکار ءِ مزنیں کارندہ ءَ ابید پاکستان ءِ سفیر ڈاکٹر یوسف جنید ھم ساڑی ات۔
