اسلام آباد۔23اکتوبر (اے پی پی): صدر آصف علی زرڈار ی ءَ گوشت کہ پاکستان ءَ مدام اقوام متحدہ ءِ منشور ءِ رھبندآنی حمایت کتگ ءُ پاکستان ءِ جوڑیشت کار قائد اعظم محمد علی جناح ءِ وژن ءِ رھشونی ءَ کتگ۔ ما کثیر جہتی ءِ ھاتر ءَ یک ھمگرنچ ءُ مھکمیں عزم ءِ برجاہ داشتگ، ھما جاہ ءَ کہ اقوام متحدہ ءِ جھان ءِ امن ءُ ایمنی، پائیڈار دیمروئی ءُ درستیں انسان آنی ھک آنی دیمروئی ءِ تہ ءَ مرکزی کرد پیلو کنت۔ ما اقوام متحدہ ءِ امن مشن آنی تہ ءَ فوجی ءُ پولیس اُرد آنی برجمیں بھر زوری ءِ وسیلگ ءَ جھان ءِ امن ءُ ایمنی ءِ تہ ءَ ناقابل فراموشیں کرد پیلو کتگ آئی ءَ وتی پیغام ءِ تہ ءَ گوشت کہ مرچی پاکستان ءَ 79می اقوام متحدہ ءِ روچ ءِ درگت ءَ برجم ڈار گ ءَ اِنت۔ اقوام متحدہ ءِ منشور مئے اجتماعی عزم ءِ عکس اِنت کہ ما میاں اوستمانی کانود ءِ برجائی ءُ پرامن ہمزوری ءِ برجائی ءَ بہ کنیں۔ اے راجانی نیام ءَ دوستی ءِ دیمروئی ءِ بابت ءَ ھم گپ جنت، راجانی برابری ءِ ھک ءُ وت واجہی ءِ رھبندانی سر ءَ بندوک اِنت ءُ جھان ءِ امن ءِ مھکم کنگ ءِ ھاترا جوانیں گامگیج زورگ ءِ ھاترا رھشونی دنت آئی ءَ گوشت کہ 79 سال ءِ تہ ءَ اقوام متحدہ ءِ مزنیں سوبمندی آنی باوجود۔ 1960 ءِ دہک ءَ اقوام متحدہ ءِ منشور ءِ جہانی امن، دیمروئی ءُ انسانی حقانی لیکہ مرچی چہ اصولانی بے دروریں نقض ءِ سبب ءَ ھترہ ءِ آماچ اِنت۔ اے خلاف ورزی آناں مقبوضہ فلسطین ءِ دمگ ءُ بھارت ءِ غلبہ ءِ مقبوضہ جموں کشمیر ءَ گیش سنگینیں رنگ ءَ گندگ بیت آئی ءَ گوشت کہ اقوام متحدہ مرچی دگنیا ءِ دیم ءَ اوشتاتگیں جیڈھ آناں گوں گر ءُ چیل بوھگ ءُ درست آنی واستہ گیش انصاف ءِ آیوکیں وھد ءِ جوڑ کنگ ءِ تہ ءَ اِنت۔ یک ناگزیریں شریک اِنت۔ مارا اقوام متحدہ ءِ منشور ءِ تہا ھواریں قدر ءُ قیمت آناں بحال کنگی انت کہ ایشی ءِ تہا امن ءِ اولیت دیگ، تنازعات ءِ گیواری ءُ سرجمیں دنیا ءِ ارباں مردمانی اُمیت ءُ واھشتانی پیلو کنگ ءِ ضلورت انت ءُ اے کثیر جہتی نظام ءِ سرجمیں حمایت ءِ دوبر پدر کنگ انت۔ پاکستان پرامن ءُ وشھالیں دگنیا ءِ برجائی ءِ واستہ اقوام متحدہ ءِ توامیں باسکیں ملک آنی گوما کمک کنگ ءَ تیار اِنت۔
