امریکی محکمہ ھزانگ  ءِ اسسٹنٹ سیکرٹری برائے انٹرنیشنل فنانس ءَ وزیر ھزانگ  ءَ گوں گند ءُ  نند کت، وت مہ وتی سیت  ءِ جیڈھ آنی سر ءَ گپ ءُ  تران

واشنگٹن ۔23اکتوبر  (اے پی پی): وزیر  ءِ درئی کار محمد اورنگزیب   ءَ گوں امریکی  وزیر   ھزانگ  ءِ  میاں اوستمانی مالیات ءِ اسٹنٹ سیکرٹری  برینٹ نائمن  ءَ گوں گند ءُ نند کت ءُ وت مہ وتی  واھگی کار آنی ھوالگ ءَ ھیال ریچی کت ۔ وزات ہزنگ ءِ نیمگ ءَ چہ شنگ بوتگیں بیان ءِ رد ءَ واشنگٹن ڈی سی ءَ گند ءُ   نند ءِ ساھت ءَ وزیر ہزنگ ءَ برنٹ نیمن ءَ را ٹیکس ءِ دائرہ کار ءَ را گیش کنگ ءِ گامگیج ءُ   صوبائی زرعی آمدنی ٹیکس (اے آئی ٹی) ءِ نظام ءِ بابت ءَ سرپدی داتگ، ذاتی ءُ   کارپوریٹ ءِ رد ءَ ہم آہنگی ءِ منصوبگ آنی جار جتگ۔   آئی ءَ سبسڈی ءُ توانائی ءِ شوبگ ءِ اصلاحات، سرکاری ادارگ آنی نوکیں رنگ ءَ جوڑ کنگ ءُ سی پیما (کلائمیٹ پبلک انویسٹمنٹ مینجمنٹ اینڈ اکاؤنٹیبلٹی) منصوبگ ءِ جوانیں رنگ ءَ سرجمی ءِ ھوالگ ءَ ھم سرپدی دات۔ ایشانی تہ ءَ پاکستان ءَ سرمایہ کاری ءِ تہ ءَ گیشی ءِ واستہ گامگیج آنی سر ءَ ھم گپ ءُ   تران کنگ بوت۔ وزیر ہزنگ ءَ گوشت کہ اے درستیں اصلاحات آنی مول ءُ مراد پاکستان ءِ معیشت ءَ را مھکم کنگ ءُ اقتصادی دیمروئی ءِ رفتار ءَ را گیش کنگ اِنت، موسمیاتی مٹ ءُ بدلی ءِ آسر آنی گوما گر ءُ دار ءِ گامگیج ھم ھمے حکمت عملی ءِ بھر اَنت۔ وزیر ہزنگ ءَ پاکستان ءِ واستہ آئی ایم ایف ءِ توسیپی فنڈ سہولت ءِ گرگ ءِ واستہ امریکہ ءِ کمک ءِ سر ءَ ھم شگر ءُ   منت گپت۔