واشنگٹن ۔23اکتوبر (اے پی پی):وزیر ھزانگ محمد اورنگزیب ءَ گوں سٹی بینک ءِ ڈل ءَ گند ءُ نند کتگ کہ آئی ءِ سروکی ءَ وائس چیئر پبلک سیکٹر جے کولنز بوتگ۔ گند ءُ نند ءِ تہ وزیر ءِ ھزانگ ءَ پاکستان ءِ اقتصادی برجائی ءُ ٹیکس، توانائی، سرکاری ادارگ، پنشن ءُ حکومت ءِ کم کنگ ءِ پڑ ءَ برجاھیں اصلاحات ءِ ھوالگ ءَ سرپد کت۔ دراجیں مدتی ’’روڈ ٹو مارکیٹ‘‘ ءِ حکمت عملی ءِ رد ءَ آئی ءَ گوشت کہ ھما وھد ءَ میاں اوستمانی سرمایہ کاری مارکیٹ آناں پائدگ چست کنگ ھم حکومت ءِ ایجنڈا ءِ تہ ءَ ھوار بیت آئی ءَ گوشت کہ حکومت ءِ حکمت عملی ءِ تہ ءَ دراجیں مدتی دیمروئی ءِ سر ءَ دلگوشی دیگ بوتگ۔ منصوبگ بندی کنگ ءَ انت کہ آ میاں اوستمانی سرمایہ کاری ءِ مارکیٹاں چہ پائدگ چست بہ کن انت آئی ءَ گوشت کہ اے گامگیج ملک ءِ اقتصادی دیمروئی ءَ را دیم ءَ برگ ءُ جھان ءِ معیشت ءِ تہ ءَ وتی ھست بوھگ ءَ را مھکم کنگ ءَ کمک کت کنت ایشی ءِ تہ ءَ جتا جتائیں شوبگ آنی تہ ءَ سرمایہ کاری ءِ موہ آنی پٹ ءُ پول ءُ دیمروئی ءِ کوشست ھوار بنت۔
