اسلام آباد۔23اکتوبر (اے پی پی):صدر آصف علی زرداری ءَ پاکستان ءَ جمہوریت ءِ مھکم کنگ ءِ واستہ جمہوریت ءِ مات بیگم نصرت بھٹو ءِ نظریہ ءَ را مشعل جوڑ کنگ ءِ ضلورت ءِ سر ءَ زور پر داتگ ءُ گوشت کہ ملک ءَ جمہوریت ءِ مھکم کنگ ءُ الس ءِ گہبودی۔ .بیگم نصرت بھٹو ءِ وشھالی ءِ مشن برجاہ مانیت۔ صدر ءِ مملکت ءَ جمہوریت ءِ مات بیگم نصرت بھٹو ءِ 13می سالروچ ءِ درگت ءَ وتی کلوہ ءِ تہ ءَ گوشت کہ آمر ءِ ھلاپ ءَ الس ءِ ھک آنی واستہ ءُ جمہوریت ءِ بحالی ءِ واستہ دراجیں جہد ءُ کوشست کتگ۔ صدر ءِ مملکت ءَ جمہوریت ءِ واستہ بیگم نصرت بھٹو ءِ قربانی آناں شرپ دیان ءَ گوشت کہ پاکستان ءَ جمہوریت بحالی ءِ واستہ آئی ءِ ازمت شموشگ نہ بنت۔ آئی ءَ گوشت کہ بیگم نصرت بھٹو ءَ مشکلیں وھد ءَ پاکستان پیپلز پارٹی ءَ را سروکی دات، ءُ جمہوریت ءِ واستہ آئی ءِ قربانی ءُ سیاسی ازمت آناں شرپ مند کت۔ صدر ءِ مملکت ءَ گوشت کہ بیگم نصرت بھٹو ءَ آمر حکومت ءِ زلم ءِ ھلاپ ءَ دلیری ءُ بہادری ءِ گوما جنگ کتگ، آ ماتیں جمہوریت ءُ جزم ءُ دلیری ءِ نشان اِنت۔ آصف علی زرداری ءَ گوشت کہ بیگم نصرت بھٹو یک سیاسی رژن ءُ وسائل ءِ واھندیں رہشون ات، آئی ءَ زالبول آناں بااختیار جوڑ کنگ ءُ سیاست ءَ آوانی ھوار بوھگ ءِ واستہ ھاسیں کرد پیلو کت۔ صدر ءِ مملکت ءَ گوشت کہ بیگم نصرت بھٹو ءِ 13می بیرانی ءِ روچ ءَ ما آئی ءِ مشن ءِ برجائی ءِ جزم ءِ پد ءَ یک رند ءَ پدر کناں۔
