26  می آئینی ترمیمءِ منظوری ءِ  وہدءَ دگہ درآمدیں مردم ایوان ءِ گیلری ءَ نہ پُترتگ، سردار ایاز صادق

اسلام آباد۔22اکتوبر  (اے پی پی): راجی اسمبلی ءِ اسپیکر سردار ایاز صادق ءَ گشتگ کہ بیست ءُ ششمی آئین ءِ ترمیم ءِ منظوری ءِ وھد ءَ ایوان ءِ تہا ہچ بے درآمدیں  مردم گیلریانی تہا داخل نہ بوتگ، بے ثبوت ءَ الزام جنئگ شر نہ ایں۔ سئے شمبے ءِ روچ ءَ راجی اسمبلی ءِ دیوان ءِ ساھت ءَ اپوزیشن ءِ سروک عمر ایوب ءِ اعتراض ءِ نقطہ ءِ سر ءَ ریمارکس  ءَ راجی اسمبلی ءِ اسپیکر سردار ایاز صادق ءَ گوشت کہ آئین ءِ تہ ءَ بیست ءُ ششمی ترمیم ءِ روچ ءَ پریس گیلری میڈیا ءِ نمائندگ آنی تہ ءَ پُر بوتگ ، آئی ءِ چماں چہ کس اندیم نہ بوتگ، ایوان ءُ گیلری ءَ  ہما سارجنٹ   ساڑی بوتگ اَنت کہ آ راجی اسمبلی ءِ ملازم آں، ایچ وڑیں ڈنی ءُ درآمد ادا ساڑی نہ بوتگ، بے ثبوت ءَ اے  الزامءُ بھتان جنگ شر نہ ایں۔