آئی ٹی ءِ ملکی وزیر شزہ فاطمہ ءَ گوں ایشیا پیسیفک نیٹ ورک انفارمیشن سینٹرءِ سی ای او ءِ دگندءُ نند، ٹیلی کام آپریٹرز ءِ ٹریننگ ءِ ھاترءَ پلان جوڑ کنگءِ سرءَ تپاک

اسلام آباد۔22اکتوبر  (اے پی پی): آئی ٹی ءُ ٹیلی کمیونیکیشن ءِ  ملکی وزیر شزہ فاطمہ ءَ گوں  ایشیا پیسیفک نیٹ ورک انفارمیشن سینٹر (اے پی این آئی سی) سنگاپور ءِ چیف ایگزیکٹیو آفیسر (سی ای او) جیا رونگ لو ءَ سئے شمبے ءِ روچءَ آئیءِ کارگسءَ گندءُ نندکتگ۔ گندءُنندءِ تہ ءَ دونیمگی  پائدگ ءُ ٹیلی کام آپریٹرءِ گشادی کاریءَ را گیش کنگءِ سرءَ گپ ءُترا ن بوتگ۔ اے موہ ءَ سیکرٹری آئی ٹی ضرار ہاشم خان ہم ساڑی بوتگ۔ سئے شمبے ءِ روچءَ آئی ٹی و ٹیلی کمیونیکیشن وزارت ءَ چہ شنگ بوتگیں بیان ءِ ردءَ سی ای او ایشیا پیسیفک نیٹ ورک انفارمیشن سینٹرءَ ملکی وزیر شزہ فاطمہ ءَ را اے پی این آئی سی ءِ ورکنگ ءِ حوالگءَ چہ سرپد کتگ۔   گندءُ نندءِ تہ ءَ ٹیلی کام آپریٹر آنی ٹریننگ ءِ ھاترءَ پلان جوڑ کنگ ءِ سرءَ تپاک کنگ بوتگ۔ گندءُ نندءِ تہ ءَ باسک وزارت ٹیلی کام آئی ٹی محمد جہان زیب رحیم . ہم ساڑی  اَت۔   ایشی ءَ ابید آئی ٹی و ٹیلی کمیونیکیشن ءِ ملکی وزیر شزہ فاطمہ خواجہ ءَ گوں جرمنی ءَ پاکستان ءِ سفیر ثقلین سیدہ ءَ  گندءُ نند کتگ۔  گندءُنندءِ تہ ءَ پاکستان ءُ جرمنی ءِ آئی ٹی و ٹیلی کمیونیکیشن سیکٹر ءِ تہءَ سیادی ءُ پاکستانی آئی ٹی کمپنی آنی جرمنی ءِ تہا آسراتی  دئیگ ءِ ہوالگءَ گپ ءُترا ن بوتگ۔ گندءُ نندءِ تہ ءَ  ممبر انٹرنیشنل کوآرڈینیشن عماد میمن ءُ ڈائریکٹر جنرل انٹرنیشنل کوآرڈینیشن سید جواد علی شیرازی ہم ساڑی اتاں۔