استنبول ءَ انٹرنیشنل ایکسپو ءِ تہ ءَ بنجاھی  وزیر تہی کار  محسن نقوی ءِ بھر زوری ءِ پد ءَ بنجاھی  وزیر ءَ ترکی ءِ جنرل اسٹاف ءِ سروک جنرل میٹن گورک  ءَ گوں گند ءُ   نند

استنبول۔22اکتوبر  (اے پی پی):بنجاھی  وزیر تہی کار  محسن نقوی ءَ استنبول ءَ انٹرنیشنل ایکسپو ءَ بہر زرتگ۔ بنجاھی  وزیر تہی کار  محسن نقوی ءَ دگہ ملک آنی نمائندگ آنی گوما انٹرنیشنل ایکسپو 2024 ءِ بنگیج کت۔ بنجاھی  وزیر تہی کار  محسن نقوی ءَ ترکی ءِ جنرل اسٹاف ءِ سروک جنرل متین گُرک ءَ گوں گند ءُ نند کت۔ تہی کارانی وزیر محسن نقوی ءَ انٹرنیشنل ایکسپو ءِ برجم دارگ ءِ پد ءَ جنرل میٹن گورک ءَ را مبارکی دات ءُ نیکیں واھشت آنی درشان کت۔ جنرل میٹنس گورک ءَ بنجاھی  وزیر تہی کار  محسن نقوی ءِ منت گپت کہ آئی ءَ انٹرنیشنل ایکسپو ءَ پاکستان ءِ نمائندگی کتگ۔ بنجاھی  وزیر تہی کار  محسن نقوی ءَ ایندگہ ملک آنی نمائندگ آنی گوما ایکسپو ءِ تر ءُ   تاب کتگ۔ تہی کارانی وزیر محسن نقوی ءَ ایکسپو ءَ جوڑ بوتگیں پاکستان آرڈننس فیکٹریز ءِ اسٹال ءِ ھم چار ءُ   تپاسی کت ءُ   پاکستانی اسٹال ءِ انتظامیہ ءَ گوں گند ءُ   نند کت ءُ   یو ایس پی ءَ پیش دارگ بوتگیں پاکستانی سامان آنی ساڑات کت۔ وزیر تہی کار  محسن نقوی ءَ ایکسپو ءِ تہ ءَ پیش دارگ بوتگیں نوکیں سامان آنی تہ ءَ سک باز دلگوشی ءِ درشان کت۔  آئی ءَ گوشت کہ استنبول انٹرنیشنل ایکسپو ءَ نوکیں مشینری ءُ  سامان آنی گندگ ءَ چہ باز وشی بوتگ۔ آئی ءَ گیش گوشت کہ ’’انٹرنیشنل ایکسپو 2024‘‘ دوستیں ملک آنی نیام ءَ وت مہ وتی کمک ءَ را گیش کنگ ءَ کمک رسیت۔ اے موہ ءِ سر ءَ پاکستان ءِ سفیر ڈاکٹر یوسف جنید ءُ  مزن مزنیں کارندہ ھم ساڑی بوتگ ایشی ءَ چہ پیسر  بنجاھی  تہی کار ءُ    منشیات ءِ  گر ءُ دار  ءِ وزیر محسن نقوی یک ھاسیں تر ءُ  تاب ءِ سر ءَ ترکیہ  ءَ سر بوتگ ءُ  مزن مزنیں کارندہ آں وفاقی وزیر ءِ تہی کار  ءَ را  وش اتک کتگ۔   بنجاھی   وزیر محسن نقوی ترکیہ  ءِ کابینہ ءِ وزیر ءُ  مرکزی قیادت ءَ گوں گند ءُ  نند کنت۔ وزیر توکی کار محسن نقوی ءَ گوشت کہ ترکیہ  ءِ تر ءُ  تاب ءِ ساھت ءَ مھکمین  بنیات آنی سر ءَ وت مہ وتی کمک آناں دیمروئی دیگ ءِ سر ءَ گپ ءُ  تران بیت۔ ترکی ءِ وزیر ءُ  سروکی ءَ گوں سیم سر ءِ بندوبست، ایمنی، انسانی سوداگری ءِ گر ءُ  دار ءِ واستہ دو نیمگی کمک ءَ را گیش کنگ ءِ امکانات ءِ بابت ءَ گپ ءُ  تران کنگ بیت۔ آئی ءَ گوشت کہ پاکستان ءُ  ترکی ءِ نیام ءَ جوانیں براتی سیادی است انت، ترکی ءَ مدام پاکستان ءِ کمک کتگ۔ آئی ءَ گوشت کہ اے تر ءُ تاب ءِ مول ءُ مراد پاکستان ءُ ترکی ءِ سیادی ءَ را گیش مھکم کنگ انت۔