بیست ءُ ششمی کانودی  مٹ ءُ بدلی ءِ منظوری پاکستان ءِ اقتصادی ءُ سیاسی استحکام ءُ مہلوک ءِ وشحالی ءِ ھاتر ءَ سنگ میل اِنت، لس  مردم ءِ ھاتر ءَ انصاف ءِ رسگ آسان بیت، مزن وزیر شہباز شریف

اسلام آباد۔22اکتوبر  (اے پی پی): مزن وزیر محمد شہباز شریف ءَ گوشت کہ پارلیمنٹ ءِ نیمگ ءَ چہ دو تہائی اکثریت ءَ آئین ءِ ترمیم ءِ بل ءِ منظوری پاکستان ءِ اقتصادی ءُ   سیاسی برجائی ءُ   الس ءِ گہبودی ءِ واستہ سنگ میل انت۔ ایشی ءَ چہ لس  مردم ءَ را انصاف ءِ رسگ آسان بیت آئی ءَ اے گپ سئے شمبے ءِ روچ ءَ بنجاھی  کابینہ ءِ دیوان ءَ گوں تران کنان ءَ گوشت آئی ءَ را انصاف نیست ءُ   آئی ءَ را نہ رسیت، آئین ءِ اے ترمیم 2018 ءَ جوانیں کرد پیلو کنت۔ اے جیڈھ آنی گیواری ءَ آئی ءَ گوشت کہ لس  مردم ءَ را انصاف ءِ گرگ ءَ آسراتی رس ایت۔ مھکمیں امیت است انت کہ ایشانی جیڈھ زوت گیش ءُ گیوار بنت، مزن وزیر ءَ گوشت کہ شھیدیں محترمہ بے نظیر بھٹو ءُ میان محمد نواز شریف ءِ نیام ءَ 2006 ءَ لندن ءَ جمہوریت ءِ منشور ءِ سر ءَ دستخط کنگ ھم ھمے وژن ءِ سرجمی انت۔ اے ترمیم ھم اے رژن ءِ راستی ءِ گواہی اِنت۔ ترمیم ءِ ھوالگ ءَ درستیں سیاسی گلاں گوں مشورہ کنگ بوتگ۔ پارلیمنٹ ءِ نمائندہ سیاسی قیادت ءِ گوما تفصیلی مشورہ کنگ بوتگ۔ ایشی ءِ تہا اپوزیشن ءُ اتحادیاں گوں سیادی داروکیں سیاسی گل ہم ہوار اتنت۔ آئی ءَ گوشت کہ بیست ءُ ششمی آئین ءِ ترمیم اللہ تعالیٰ ءِ فضل ءُ کرم ءَ چہ پاکستان ءِ دیمروئی، وشھالی ءُ برجائی ءِ واستہ موثر ءُ جوانیں ثابت بیت۔ مزن وزیر ءَ صدر آصف علی زرداری، پیپلز پارٹی ءِ چیئرمین بلاول بھٹو زرداری، مسلم لیگ (ن) ءِ راہشون میان محمد نواز شریف ءُ اے درگت ءَ کمک ءُ رھشونی داتگیں دگہ درستیں سروک آنی دل ءِ جہلانکی ءَ چہ منت واری ءِ درشانی کت۔ مزن وزیر ئَ گوشت کہ مئے گوما جمیعت علماء اسلام (ف) ئِ سروک مولانا فضل الرحمن، منی ھمباس، نائب مزن وزیر محمد اسحاق دار، مزن وزیر کانود نذیر تارڑ ، رانا ثنا اللہ خان ئُُ ایندگر سروک آنی گوما بازیں گند ئُُ نند بوتگ اَنت۔ ملک ءِ سیاسی سروکی ءَ گوں مشاورت ءَ ہوار بوتگ انت۔ آئی ءَ گوشت کہ آئی ءَ حکومت ءِ اتحادی گل، ایم کیو ایم ءِ سروکی، نیشنل پارٹی، اے این پی، بلوچستان عوامی پارٹی ءَ ھوار درستیں سروک آنی گوما انفرادی ءُ   اجتماعی رنگ ءَ سرجمیں شور ءُ   سلاھ کتگ۔ آئی ءَ آئین ءِ ترمیم ءِ حمایت کنوکیں درستیں سروکی ءِ ھم گہتری ءِ درشانی کت۔ مزن وزیر ءَ پارلیمنٹ ءِ آجوئیں باسک آنی ھم منت واری ءِ درشان کت، آھانی کمک ءَ سینیٹ ءَ ترمیمی بل 65 ووٹ آنی اکثریت ءَ چہ منظور کنگ بوت، وھدیکہ راجی اسمبلی ءَ 225ووٹ آنی گوما منظور کنگ بوت۔ 26  بیست ءُ ششمی کانودی مٹ ءُ بدلی   ءِ ھاسیں  دیمروئی  سرجم  بوت۔   مزن وزیر محمد شہباز شریف ءَ کابینہ ءَ را مبارک بات دات ءُ شنگھائی کوآپریشن آرگنائزیشن ءِ سروک دیوان ءِ سوبمندیں برجم دارگ ءِ سرا شگر ءُ منت گپت۔ آئی ءَ گوشت کہ ایس سی او کانفرنس پاکستان ءِ ھوالگ ءَ سک سوبمند ثابت بوت، سرجمیں دگنیا ءَ پاکستان ءِ پجار گیش بوت۔ اللہ پاکستان ءَ عزت داتگ۔ کانفرنس ءِ سوبمندی ءِ ھاتر ءَ بے دروریں کوشست کنگ بوتگ، کانفرنس ءِ برجم دارگ ءِ بابت ءَ بازیں چیلنج بوتگ کہ ایشانی تہ ءَ مستریں چیلنج سیکورٹی بوتگ۔ وزارت ءِ درئی کار ، وزارت ءِ اھوالکاری ءُ آھانی ٹیم ءُ وزیر ءِ اھوالکاری عطا اللہ تارڑ  ءَ شپ ءُ روچ کار کتگ ۔ آئی ءَ توامیں کانود نافذ کنوکیں ادارگ، پولیس، رینجرز ءُ انٹیلی جنس ادارگ ھوار پاک فوج ءِ ھمراہی ءَ سیکورٹی ءِ ھوالگ ءَ سرجمیں کمک ءِ واستہ وزیر توکی کار محسن نقوی ءُ سیکرٹری توکی کار آنی منت واری درشان کت۔ آئی ءَ گوشت کہ 11سال ءَ پد چین ءِ مزن وزیر پاکستان ءَ اتک ایشی ءَ چہ پیسر 2013 ءَ چین ءِ مزن وزیر نمیرانیں پاکستان ءِ تر ءُ   تاب ءَ کتگ ات ءُ   نوں یازدہ سال ءَ پد چین ءِ انوگیں مزن وزیر لی کیانگ ءَ پاکستان ءِ تر ءُ   تاب کتگ ات۔ آئی ءَ گیش تران کت کہ چینی مزن وزیر ءِ تر ءُ تاب سک سوبمند بوتگ۔ منی گمان اِنت کہ اے تر ءُ تاب پاکستان ءُ چین ءِ دوستی ءَ را گیش مھکم کنگ ءَ مزنیں کردے پیلو کنت۔ ھمے رنگ ءَ ایندگہ ملکانی سروکی ءَ ھم کانفرنس ءَ بھر زرتگ ءُ اے موہ ءِ سر ءَ سرجمیں شور ءُ سلاہ ءَ پد جار جاڑی کنگ بوتگ۔ ایس سی او ءِ دیوان ءَ ھواریں مہماناں بنجاھی  دارالحکومت ءِ زیبائی ءُ   سجاوٹ ءِ توسیپ کتگ۔ اے درگت ءَ من سی ڈی اے ءِ چیئرمین محمد علی رندھوا ءُ آئی ءِ ٹیم ءِ محنت ءِ منت ءَ گِراں۔ آئی ءَ بنجاھی  وزیر برائے اقتصادی کار احد چیما، سیکرٹری اسد گیلانی، ایندگر کارندہ ءُ مزن وزیر کارگس ءِ ٹیم ءِ ھم منت گپت۔ مزن وزیر ءَ اے امیت سہرا کت کہ پاکستان ءِ اقتصادی دیمروئی مھکم بوھگ ءَ انت ءُ   مئے یکجائی کوشست ءَ گوں پاکستان ترندی ءَ گوں دیمروئی کنت۔ مزن وزیر محمد شہباز شریف ءَ گوشت کہ مہنگائی ءِ شرح 6.9درسد ءَ چہ کم بوتگ اے اللہ تعالیٰ ءِ ھاسیں فضل ءُ کرم انت۔ چوش کہ پالیسی ءِ شرح ءَ مزنیں کساسے ءَ کمی اتکگ ءُ   گیش کمی ءِ گمان انت۔ فلسطین ءُ لبنان ءِ حوالہ ءَ وتی ھیالانی درشانی کنان ءَ آئی ءَ گوشت کہ غزہ ءُ فلسطین ءَ ھم زلم ءُ زوراکی برجاہ انت۔ چُک ءُ زالبول شھید بیگ ءَ اَنت ۔ اسرائیل ءِ زُلم ءُ زوراکی شپ ءُ روچ برجاہ اَنت ءُ ھچ وڑیں کمی یے مہ بیت، اقوام متحدہ ءِ سلامتی کونسل ءِ قرارداد انگت ءَ عمل نہ بوتگ اَنت ءُ ھاگ ءِ میان استمانی آمیدگس ءِ فیصلہ ردی ءِ تہ ءَ شنگ کنگ بوتگ۔ مزن وزیر محمد شہباز شریف ءَ گوشت کہ منی حیال ءَ راجدپتر ءَ اے وڑیں دل تُرسوکیں وئیل پیسر ءَ نہ دیستگ ءُ   نہ اشکتگ۔ آئی ءَ گوشت کہ ما درست چہ خدا ءَ دزبندی کنگ ءَ ایں کہ اودا زوتاں چہ زوت جنگ بندی بہ بیت۔ بے گناہیں مسلمانانی کشتار بند بہ بیت، شپ ءُ روچ گوازینگ بوتگیں ھونانی ھولی ھلاس بہ بیت۔ پاکستان ءَ غزہ ءُ لبنان ءِ برات ءُ گہار آنی واستہ کمکی ءُ تعاون ءِ گامگیج پیسر ءَ چہ بندات کتگ انت کہ سرجمیں راج ءِ دیم ءَ انت۔ گیش جامع پروگرام ءِ رد ءَ غزہ ءُ لبنان ءَ برات آناں گیش امدادی سامان سر کنگ بنت۔ اے درگت ءَ مشکل باز انت ءُ راہ ءِ سرا اڑاند ہم باز انت۔ آئی ءَ گوشت کہ این ڈی ایم اے ءِ تہ ءَ نائب مزن وزیر، دری کارانی کارگس ءَ ھوار ما درست یکجائی ءَ وتی جوانیں کار کنگ ءَ ایں ۔ مزن وزیر ءَ سرجمیں ملک ءَ الس ءُ   امیریں مردم آنی سر ءَ زور پر دات کہ مرچی وھد اِنت کہ شما وتی برات ءُ   گھار آنی واستہ دیم ءَ بہ کپ اِت ءُ   مزن وزیر ریلیف فنڈ ءَ کمک دیم بہ دئے اِت، ایشی ءَ چہ مذہب ءُ   دگنیا ءَ را نپ رسیت۔