تحریک انصاف آشوب ءِ آماچ انت، پی ٹی آئی وتی اندری ٹولی پرستی ءَ پارلیمنٹ ءِ کھانتہ  ءَ مہ کنت، بنجاھی  وزیر عطا اللہ تارڑ

اسلام آباد۔22اکتوبر  (اے پی پی):بنجاھی  وزیر ءِ اھوالکاری ، شنگ کاری ، راجی مڈی   ءُ دود ءُ ربیدگ عطا اللہ تارڑ  ءَ گشتگ کہ تحریک انصاف آشوب ءِ تہا انت، تحریک انصاف وتی اندری ٹولی پرستی ءَ پارلیمنٹ ءِ اکاؤنٹ ءَ مہ کنت۔ پی ٹی آئی ءِ یک گلے پارلیمنٹ ءِ تہ ءَ اِنت ءُ دومی پی ٹی آئی ءِ مردماں آئینی ترمیم ءِ مسودہ ءِ سر ءَ گپ ءُ تران کتگ، اگاں آھانی گور ءَ اعتراض بوتگ گڑا آ پرچا گپ ءُ تران ءَ ھوار بوتگ اَنت۔ تو انکار کتگ ات آہاں وتی باسکاں تہاری ءَ داشتگ ات، پی ٹی آئی ءِ باسکاں آوار جنگ ءِ ھاترا دروگیں پروپیگنڈا کنگ بوتگ ات چار باسکاں آئینی ترمیم ءِ سرا آزاتیں رنگ ءَ ووٹ داتگ ات۔ سئے شمبے ءِ روچ ءَ راجی اسمبلی ءِ دیوان ءَ تران کنان ءَ بنجاھی  وزیر ءِ اھوالکاری ءَ گوشت کہ آئین ءِ بیست ءُ   ششمی ترمیم ءِ منظوری ءِ تہ ءَ درستیں کانودی سبب آناں پیلو کنگ بوتگ، ایشی ءِ سر ءَ سیاسی تپاکی جوڑ کنگ بوتگ، ھچ وڑیں ترندی ءِ درشان نہ بوتگ۔ آئی ءَ گوشت کہ بیست ءُ ششمی آئین ءِ ترمیم ءِ ھوالگ ءَ شور ءُ سلاھ ءَ دو ءَ چہ دو ءُ نیم ماہ ءِ وھد زرتگ، مولانا فضل الرحمن ءِ لوٹ کہ اے آئین ءِ ترمیم ءِ سر ءَ ایس سی او ءَ پد ھیال ءُ لیکہ کنگ بہ بیت، بن بست بوتگ۔ آئی ءَ گوشت کہ تحریک انصاف ءِ سروک آنی وت ءَ مولانا فضل الرحمان ءِ گوما پریس کانفرنس ءَ گوشت کہ 90درسد تحفظات دور کنگ بوتگ، آئین ءِ ترمیم ءِ مسودہ ءِ سر ءَ تپاکی بوتگ، ایشی ءِ تہ ءَ درستیں فریق آنی ھیال ھوار بوتگ ءُ   پی ٹی آئی ءَ گوشتگ بلے دو بند خاص طور سرا درکنگ بوتگ انت۔ آئی ءَ گوشت کہ پارلیمانی سروک ءَ وتی باسک آناں گْوشگی اِنت کہ آیاں کجا ووٹ دیگی اِنت، پی ٹی آئی ءَ نہ پارلیمانی پارٹی ءِ دیوان برجم داشتگ ءُ نہ آیاں باسک آناں گْوشتگ، ھما باسک کہ ووٹ داتگ اَنت آ آزاتیں باسک اَنت آھاں ھچ وڑیں ھدایت دیگ نہ بوتگ ءُ نہ کہ آھاں ھچ وڑیں کانود ءِ نوٹس داتگ۔ دیم داتگ ات، آ ایوان ءَ آزاتیں بستار ءَ ھست اتنت، اے باسک رسانکدر ءَ باقاعدہ شناخت کنگ بوتگ اتنت، پی ٹی آئی ءَ اے جیڈھ ءَ را جنجالی جوڑ کنگ ءِ کوشست کتگ ات ءُ باسک آوار جنگ ءِ الزام جتگ ات۔ آئی ئَ گوشت کہ اے چاریں باسک آں ضمیر ئِ توار ئِ سر ئَ آزاتی ئَ بے ترس ئُُ بید ئَ ووٹ داتگ۔ بنجاھی  وزیر ءَ گشتگ کہ تحریک انصاف ءَ آشوب انت، تحریک انصاف ءِ یک گلے اسمبلی ءِ ڈن ءَ نشتگ انت ءُ دومی اسمبلی ءِ اندر ءَ نشتگ انت، یک گلے گشیت کمیٹی ءَ مہ نند ات۔ تحریک انصاف ءِ الس گپ ءُ تران ءَ ہوار بوتگ انت، آہاں وتی مرضی ءِ رد ءَ گپ ءُ تران کتگ، آہاں آئین ءِ ترمیم ءِ ہمک بند ءِ سرا وتی حیال داتگ، مسودہ ءَ را تپاکی ءِ جار جتگ ءُ گشتگ کہ 90درسد معاہدے ءَ ءِ سر ءَ سر بوتگ گڑا آئی ءَ گْوشتگ کہ مسودہ ءِ سر ءَ ھچ وڑیں تپاکی نیست۔ تحریک انصاف ءَ وتی مردماں تہاری ءَ داشتگ ات، آہاں وتی باسکاں بریفنگ نہ کتگ ات، مرچی آہاں طلب کنگ بوتگ ات ءُ آہاں جست کنگ بوتگ ات کہ آہاں کئے ءَ جست کتگ ءُ نام داتگ انت کہ آہانی جنگ ءَ پارلیمنٹ ءِ سر ءَ ایر بہ کن انت آہاں جہد کنگ ءَ انت، اودا۔ ایشانی نیام ءَ ھچ وڑیں تپاکی نیست، اگاں ترا گپ ءُ تران ءَ بھر زورگ نہ بوتگ ءُ آئینی مسودہ ءِ سر ءَ گپ ءُ تران نہ بوتگ گڑا تو اے کار ءَ نہ کتگ ات، تو پرچا بار بار مولانا فضل الرحمن ءِ گور ءَ شتگ ئے؟ تو آہاں گشت کن ئے کہ مارا گپ نہ کنگی ات۔ تو ھم رضاکارانہ پارلیمانی کمیٹی ءِ نام داتگ انت، رضاکارانہ بہر نہ زرتگ، تئی اختلافات دیم ءَ اتکگ انت۔ تحریک انصاف ءِ چار گل انت کہ ادا یکے دومی ءَ گوں جنگ ءُ چوپ ءَ انت۔ تحریک انصاف وتی پارٹی ءِ تہا جیڈھ آں راست بہ کنت ۔ آئین ءِ ترمیم اے ایوان ءِ نیمگ ءَ منظور بوتگیں راجدپتری دستاویز اِنت، ایشی ءَ چہ الس ءَ را سیت رسیت ءُ   لس  مردم ءِ کیس اول سرئی بنیات    ءَ گوشدارگ بنت۔