اسلام آباد۔ 22 اکتوبر (اے پی پی) ترکیہ نا صدر رجب طیب اردوان نا سلہ غا بنجائی وزیرداخلہ محسن نقوی اہم دورہ غا ترکیہ غا سرمس۔ او استنبول اٹی اہم جہانی کانفرنس اٹی بشخ ہلیک۔ محسن نقوی بارڈر مینجمنٹ، سیکورٹی، انسانی اسمگلنگ نا توننگ کن ہڑتوم آ کنڈآتا کمکاری ءِ ودفنگ نا گمان تیا ترکیہ نا وزیر و لیڈرشپ آتون گپ وتران کیک۔ ترجمان وزارت داخلہ نا رداٹ استنبول …
بنجائی وزیر داخلہ و انسداد منشیات محسن نقوی اہم دورہ غا ترکیہ غا سرمس
گیشتریں ھال
اسلام آباد۔ 22 اکتوبر (اے پی پی) ترکیہ نا صدر رجب طیب اردوان نا سلہ غا بنجائی وزیرداخلہ محسن نقوی اہم دورہ غا ترکیہ غا سرمس۔ او استنبول اٹی اہم جہانی کانفرنس اٹی بشخ ہلیک۔ محسن نقوی بارڈر مینجمنٹ، سیکورٹی، انسانی اسمگلنگ نا توننگ کن ہڑتوم آ کنڈآتا کمکاری ءِ ودفنگ نا گمان تیا ترکیہ نا وزیر و لیڈرشپ آتون گپ وتران کیک۔ ترجمان وزارت داخلہ نا رداٹ استنبول بالی پٹ آ ترکیہ ٹی پاکستا ن نا سفیر ڈاکٹر یوسف جنید و ترکیہ نا وزارت داخلہ نا ڈائریکٹر جنرل مہمت علدی و بڑزکو کمامدارآک بنجائی وزیر داخلہ محسن نقوی ءِ جم وجوش اٹ بخیرکریر۔ وزیرداخلہ محسن نقوی جہانی کانفرنس اٹی پاکستان نا نمائندگی ءِ کننگ کن ترکیہ غا سرمسنے۔ بنجائی وزیر داخلہ محسن نقوی ترکیہ ناکابینہ نا وزیر ومرکزی سرکڑدہ غاتون اوڑدہی کیک۔ وزیرداخلہ محسن نقوی نا پاننگ ءِ کہ ترکیہ نا دورہ ٹی تین پہ تینی کمکاری ءِ پائیدار بنداو تیا مون آدننگ آ گپ وتران مریک ۔ اوپارے کہ پاکستان و ترکیہ نا نیام اٹ گچین برادرانہ تعلقداری ءِ۔ ترکیہ مدام پاکستان تون تفینے۔ دورہ نا مسخت پاک ترکیہ تعلقداری ءِ پین سوگو کننگ ءِ۔
