سینیٹ نا قائمہ کمیٹی موسمیاتی بدلی تینا بروک  آ دیوان اٹی ’کاپ 29‘ کن حکمت عملی آ سجفک

اسلام آباد۔ 22 اکتوبر (اے پی پی) سینیٹ نا قائمہ کمیٹی موسمیاتی بدلی تینا بروک آ دیوان اٹی کاپ 29 کن حکمت عملی  آ سجفک۔ سینیٹ سیکرٹریٹ نا کنڈآن جاری بیان نا رداٹ قائمہ کمیٹی موسمیاتی بدلی و چاگڑدی رابطہ نا دیوان 24 اکتوبر آاسلام آباد اٹی مریک۔ کمیٹی ءِ کاپ 29 وپاکستان نا کاپ 29 کن حکمت عملی تون اوار لاس ایمڈڈیمیج فنڈ آتا بابت حوال تننگک۔ پین داکہ دیوان اٹی برجاسال انا ایجنڈا و کاپ 29 کن ملک انا تیاری تا بابت امور تیا سجفنگک۔ داہیت قابل ذکر ءِ کہ اقوام متحدہ نا موسمیاتی بدلی کانفرنس کاپ 29 داسال 11 آن 22نومبر اسکان باکو آذربائیجان اٹی اڈہلیک جہانی کاربن نا اخراج اٹی 1 درسد آن کم بشخ آن پد ہم پاکستان ءِ ساڑی آ سال تیٹی نوکاپ و خشک سالی تون اوار موسمیاتی آفت آتا سنگین نتیجہ غاتا مون تروک ءِ، ہراملک ءِ ارب آ ڈالر نا نسخان تسنے۔ دیوان اٹی بشخ ہلوک آتے راول ڈیم ریچارجنگ ڈٹ و ایلو امور نا بارواٹی وزارت موسمیاتی بدلی نا کنڈآن معلومدار کننگک۔