اسلام آباد۔20اکتوبر (اے پی پی):پاکستان پیپلز پارٹی ءِ چیئرمین بلاول بھٹو زرداری ءَ گشتگ کہ بیست ءُ ششمی آئین ءِ مٹی ءِ تہ ءَ ہچ جنجالی نقطہ نیست۔ یک شمبے ءِ روچ ءَ ادا پریس کانفرنس ءَ گوں گشتانک دیان ءَ بلاول بھٹو زرداری ءَ گوشت کہ مولانا فضل الرحمن ءِ گوما ٹیلی فون رابطہ بوتگ، من مولانا صاحب ءِ منت وار آں، جے یو آئی ءَ آئین ءِ تہ ءَ ترمیم ءِ مسودہ ءِ سر ءَ سک باز محنت کتگ۔ مولانا فضل الرحمن ءَ پارٹی ءِ سینیٹراں دیوان ءَ بہر زورگ ءِ ہدایت کتگ، جے یو آئی ءِ سینیٹر پارلیمنٹ ہاؤس ءَ سر بوتگ انت آئی ءَ گشتگ کہ پی ٹی آئی ءَ ہر فورم ءَ کارمرز کتگ بلے ترمیم ءِ بابت ءَ یک گپے نہ داتگ، انگت ءَ اے لوٹ کتگ کہ پی ٹی آئی ءَ راجی مفاد ءِ ھاتر ءَ اے ترمیم ءِ حمایت کنگی انت۔ تحریک انصاف ءِ باسکاں کمیٹی ءِ تہا ءُ دیوانانی تہا اے گپ ءِ سرا تپاک کتگ ات کہ تو مئے ہمراہ ئے یا نہ ئے ما مرچی ہر حال ءَ اے کار ءَ سرجم کنگ ءِ جہد ءَ کنیں۔
