اسلام آباد۔20اکتوبر (اے پی پی):بنجاھی وزیر اھوالکاری، شنگ ءُ تالان، راجی ورثہ ءُ دود ءُ ربیدگ عطا اللہ تارڑ ءَ گوشت کہ آئین ءِ تہ ءَ ترمیم ءِ ھوالگ ءَ ھچ وڑیں کار عجلت ءُ عجلہ ءَ کنگ نہ بوتگ جمہوری عمل ءِ زیبائیایش انت کہ ھچ سیاسی گل یلہ نہ بوتگ۔ مشاورت ءِ عمل ءِ سرا چمشانک داتگ۔ یک شمبے ءِ روچ ءَ مزن وزیر نذیرتارڑ ءِ گوما یک شمبے ءِ روچ ءَ پارلیمنٹ گس ءِ ڈن ءَ میڈیا ءَ گوں تران کنان ءَ بنجاھی وزیر ءِ اھوالکاری ءَ کابینہ ءِ نیمگ ءَ آئینی پیکج ءِ منظوری ءَ را راج ءِ واستہ یک ھاسیں سنگ میل لیک اِتگ ءُ گوشت کہ مرچی پاکستان ءِ اُلس ءِ واستہ اِنت، ریاست ءُ پارلیمنٹ ءَ اے راجدپتری روچ اِنت۔ پارلیمانی جمہوریت 1973 ءِ آئین ءَ دیم ءَ آرگ بوتگ، آئین پارلیمنٹ ءِ بالادستی ءِ بابت ءَ سک باز ھاس اِنت۔ آئی ءَ گوشت کہ اے پارلیمنٹ ءِ آجوئی ءِ تصور ءِ دیم ءَ یک مزنیں گامگیج انت کہ آئین ءَ داتگ ات۔ بنجاھی وزیر ءَ گوشت کہ وھدے محترمہ بے نظیر بھٹو ءُ نواز شریف ءِ نیام ءَ جمہوریت ءِ منشور ءِ سر ءَ دستخط کنگ بوت گڑا ایشی ءِ تہ ءَ الس ءَ را ارزان ءُ ترندیں انصاف ءِ پجاری ءِ آسراتی ءِ جیڈھ ھم ھوار بوت۔ آئین ءِ تہا ترمیم ءِ بابت ءَ ہچ وڑیں کار جلدیءُ جلدی کنگ نہ بوتگ، گوستگیں رند ءَ وھدے دیوان گوانک جنگ بوتگ گڈا آئین ءِ تہا ترمیم ءِ بابت ءَ سرجمی ءَ گپ ءُ تران بوتگ۔ توامیں سیاسی گل آں گوں مشورہ جمہوری عمل ءِ زیبائی انت، ہچ سیاسی گل مشورہ عمل ءَ چہ ڈن نہ بوتگ۔ آئی ءَ گوشت کہ سیاسی چاگرد آنی تہ ءَ سیاسی گند ءُ نند جمہوریت ءِ زیبائی انت، آئین ءِ تہ ءَ ترمیم ءِ ھوالگ ءَ توامیں سیاسی گل آنی نیام ءَ گند ءُ نند آنی لڑ برجاہ بوت۔ آئی ءَ گوشت کہ کابینہ ءَ مزن وزیر نذیرتارڑ ءِ کوشست آناں ساڑات، آئی ءَ گوستگیں دو ءُ نیم ماہ ءِ ساھت ءَ ایشی ءِ سر ءَ سک محنت کتگ۔ مزن وزیر شہباز شریف ءَ ھم درستیں اتحادی گل آنی منت گپتگ، ھاسیں رنگ ءَ بلاول بھٹو زرداری ءِ منت گپتگ کہ آئی ءَ آئین ءِ تہ ءَ ترمیم ءِ واستہ ھاسیں کرد پیلو کتگ۔ آئی ءَ گوشت کہ کابینہ ءَ نائب مزن وزیر محمد اسحاق دار، رانا ثنا اللہ، نوید قمر، شیری رحمان ءُ اے دگہ سروک آنی ھم شگر ءُ منت گپت کہ آھاں آئین ءِ تہ ءَ ترمیم ءِ ھوالگ ءَ وتی جوانیںءُ ھاسیں کرد پیلو کتگ۔ بنجاھی وزیر ءَ گوشت کہ ما وتی منشور ءُ جمہوریت ءِ منشور ءَ کتگیں وعدہ مرچی پیلو کنگ بوھگ ءَ انت، عدلیہ ءِ تہ ءَ گچین کنگ ءِ عمل بہ بیت یا احتساب ءِ معاملہ، ایشی ءَ را گیش شفاف کنگ بوھگ ءَ انت۔ آئی ءَ گوشت کہ موسمی مٹ ءُ بدلییک مزنیں چیلنج انت، زھرناکیں گیس آنی کشگ ءَ مئے بھر یک درسد ءَ چہ کم انت، بلے موسمی مٹ ءُ بدلی ءِ گیشتریں آسر پاکستان ءَ برداشت کنگی انت۔ آئین ءِ پیکج ءَ موسمی مٹ ءُ بدلی ءِ ھوالگ ءَ صوبگ آنی گوما کمک ءَ را گہتر کنگ ءُ موسمی مٹ ءُ بدلی ءِ چیلنج ءَ گوں جوانیں رنگ ءَ گر ءُ چیل بوھگ ءِ شق جوڑ کنگ بوتگ۔
