اسلام آباد۔19اکتوبر (اے پی پی):بنجاھی وزیر اھوالکاری ، شنگ کاری ، راجی مڈی ءُ دود ءُ ربیدگ عطا اللہ تارڑ ءَ گشتگ کہ ما جمہوری ذہن ءِ مردم ایں، آئینی ترمیم ءِ سرا نمبر سرجم انت، پدا ہم ما آئینی ترمیم ءِ سرجم کنگ ءِ جہد ءَ کنیں۔ دیم ءَ برگ بہ بیت، اے مئے فرض اِنت کہ ما درستیں سیاسی گلاں وتی سرا زوریں، شور ءُ مشور ءِ کار ءَ را ترندی ءَ گوں روگ ءَ اِنت، کوشست اِنت کہ مرچی ھر وڑ ءَ سرجم کنگ بہ بیت۔ شمبے ءِ روچ ءَ پارلیمنٹ گس ءِ دپ ءَ مسلم لیگ (ن) ءِ مزنیں سروک حنیف عباسی ءِ گوما میڈیا ءَ گوں تران کنان ءَ بنجاھی وزیر ءِ اھوالکاری ءَ گوشت کہ مرچی شپ ءِ 7بج ءَ راجی اسمبلی ءِ دیوان گوانک جنگ بوتگ، آئین ءِ تہ ءَ ترمیم ءِ ھوالگ ءَ سیاسی شور ءُ سلاھ ءِ عمل اِنت۔ دیمترا یک سرجمیں تپاکی یے ءِ جوڑ کنگ ءِ جہد کنگ بوتگ۔ مشاورت ءِ عمل ءَ توامیں سیاسی گلانی بہر زورگ جمہوریت ءِ زیبائی انت۔ بلاول بھٹو زرداری ءَ گوں مزن وزیر محمد شہباز شریف ءُ مولانا فضل الرحمن ءَ گند ءُ نند کتگ ۔ اگاں چہ نمبر ٹُکّر ٹُکّر بوتگ اَنت ءُ ہوم ورک بوتگ بلے ما کوشست کتگ کہ مشاورت ءِ عمل ءَ را بند مہ کنیں ءُ آئینی ترمیم ءِ سر ءَ گیشیں مشاورت ءُ تپاکی جوڑ بہ کنیں۔ آئی ءَ گوشت کہ آئینی ترمیم آنی سر ءَ مئے فرض اِنت کہ ما درستیں سیاسی گل آناں جہاز ءِ سر ءَ بہ زوریں ءُ ھر شق ءِ سر ءَ سرجمیں رنگ ءَ گپ ءُ تران کنان ءَ ایشی ءَ را وتی منطقی آسر ءَ سر بہ کن ایں ۔ بنجاھی وزیر ءَ گوشت کہ ھچ وڑیں کانود یا آئینی ترمیم ءِ سر ءَ اے وڑیں مشورہ کنگ نہ بوتگ کہ نوں کنگ بوھگ ءَ انت۔ آئی ءَ گوشت کہ ما جمہوری سوچ ءِ مردم اوں ءُ توامیں سیاسی اسٹیک ہولڈر آنی نیام ءَ تپاکی پیداک کنگ ءِ کوشست ءَ کنگ ءَ ایں ۔ مئے کرّا سرجمیں نمبر اَنت بلے جمہوری چاگردانی ھیال شور ءُ سلاہ ءُ تپاکی پیداک کنگ اِنت۔ آئی ءَ گوشت کہ خیبر پختونخوا ءِ تہ ءَ رھبند آنی تہ ءَ بدلی ءِ وسیلگ ءَ پولیس افسر آنی تعیناتی ءُ ٹرانسفر ءِ اختیارات بنجاھی وزیر ءَ را آئی جی ءَ چہ دارگ بوتگ اَنت۔ خیبر پختونخوا ءِ تہا وتی مردماں بند کت، پولیٹیکل انجینئرنگ ءِ تہا ہوار کنگ ءَ پولیس ءَ چہ سیاسی کار زورگ ءِ جہد کت، پولیس ءَ را فیڈریشن ءِ ہلاپ ءَ کارمرز کت۔ آہاں سیاسی رنگ ءَ مردماں کنٹرول کنگ لوٹ اتگ، ہما مردم کہ پنجاب ءَ گوں سیادی دارنت آ بند کنگ بوتگ انت ءُ ایشی ءِ ذمہ واری ادارہانی سرا ایر کنگ بوتگ۔ آہاں بنجاھی حکومت ءِ ھلاپ ءَ سرکاری وسیلہ کارمرز کتگ اتنت، وتی رویہ ءَ نہ چار اتگ ات کہ آہاں دگراں ملامت کتگ ات۔آہاں جوڑیشتکار چیئرمین پی ٹی آئی ءَ را غداری ءِ سبب ءَ آتش زنی ءُ لوگ ءُ کاروبار ءِ تباہی ءِ دھمکی داتگ، آہاں شہیدانی مجسمہ ءِ سرا ٹکر جتگ، آئی ایم ایف ءَ نمدی نبشتہ کتگ، ایس سی او ءَ را سبوتاژ کنگ ءِ جہد کتگ ءُ آہاں ہچ وڑیں پسو نہ رستگ جیڑہ دیم ءَ نہ اتکگ۔ آئی ءَ گوشت کہ مئے ملک اولی انت، سیاسی سروک ءُ سیاسی گل دومی انت، اگاں پارلیمنٹ ءِ کجام ھم باسک ءِ سر ءَ اُرش کنگ بہ بیت گڑا ریاست کارروائی کنت، ریاست ءِ یکوئی ہر حال ءَ برجم دارگ بیت۔ بنجاھی وزیر ءَ گوشت کہ تحریک انصاف ءِ مردم الزام جنگ ءَ انت پرچا کہ آ زان انت کہ مئے کر ءَ سرجمیں نمبر است انت، آ ملامت ءِ سیاست ءَ گوازینگ ءَ سیاسی دیم ءَ را رکگ لوٹ انت۔ آئی ءَ گوشت کہ نمبر سرجم بوھگ ءَ ابید ھم مئے واھشت مشورہ ءُ تپاکی انت ءُ ما اے عمل ءَ را تپاکی ءَ گوں چلائینگ ءِ کوشست ءَ کنگ ءَ ایں ۔ آئی ءَ گوشت کہ آ وتی سوشل میڈیا اکاؤنٹ ءَ آرمی چیف ءُ ملک ءِ ادارگ آنی ھلاپ ءَ کارمرد کن اَنت بلے زیک گولڈسمتھ ءِ ھلاپ ءَ کدی کارمرد نہ کن اَنت۔ اھوالکارانی جستانی پسو ءَ آئی ءَ گْوشتگ کہ آئین ءُ کانود ءِ تہ ءَ دگہ آپشن ھست بلے مئے رھشونی ءُ پارٹی ءِ ھیال ءَ تپاکی جوڑ کنگ بہ بیت۔ آئی ءَ گوشت کہ سخاوت ءِ درشان کنان ءَ پچیں ھیال ءَ گوں آئین ءِ تہ ءَ ترمیم ءِ کار دیم ءَ جنزگ ءَ اَنت۔ آئی ءَ گوشت کہ تحریک انصاف ءِ نیمگ ءَ تاخیر بوتگ، تحریک انصاف ءِ الس وتی سروک ءَ گوں گند ءُ نند کنگ ءَ ترسگ ءَ انت۔ آئی ءَ گوشت کہ اگاں گیشیں راجی مفاد ءِ تہ ءَ عدالتی اصلاحات ءِ رد ءَ شرتر زانگ بہ بیت گڈا آ آئین ءُ کانود ءِ دائرہ کار ءِ تہ ءَ مان بوھگ ءِ وھد ءَ دگہ آپشن آنی نیمگ ءَ رو اَنت۔ یک جُستے ءِ پسو ءَ آئی ءَ گوشت کہ پنجاب ءِ کالج آنی تہ ءَ نودربر آناں یک منظمیں گامگیج ءِ وسیلگ ءَ ترغیب دیگ بوتگ۔ گوستگیں روچ ءَ یک جنینے ءَ سوشل میڈیا ءَ جعلی حال شنگ کتگ، اے جنین کراچی ءِ مردم انت۔ آئی ءَ گوشت کہ ریپ ءِ دروگیں ھال شنگ کنوک آنی پٹ ءُ پول کنگ بوتگ ۔ آئی ءَ گوشت کہ گوستگیں نودربر زھرشانی ءِ تہ ءَ ھچ نودربر ءِ سر ءَ زوراکی نہ بیتگ، نودربر زھرشانی ءِ تہ ءَ یک سیکورٹی گارڈے ھم کشگ بوتگ۔ آئی ءَ گوشت کہ سوشل میڈیا ءِ سر ءَ منظم گامگیج ءِ وسیلگ ءَ نودربر سڑک آنی سر ءَ آرگ بوتگ، پنجاب ءَ آتشزدگی کنگ بوتگ، اے گامگیج ءَ بھر زوروکیں مردمانی حلاف ءَ ایف آئی آر درج کنگ بوتگ۔ یک جست ءِ پسو ءَ آئی ءَ گوشت کہ پی ٹی آئی ءِ بانی چیئرمین ءِ حلاف ءَ 190 ملین پونڈ ءِ شفر کیس آمید گس آنی تہ ءَ گوشدارگ بوھگ ءَ انت آئی ءَ اے ھم گوشت کہ 190 ملین پونڈ ءِ کیس پاکستان ءِ راجدپتر ءِ تہ ءَ میگا کرپشن کیس انت۔ کہ چہ ملک ءَ شُت کن اَنت۔ آئی ءَ گوشت کہ کیس آنی ھوالگ ءَ زیرو ٹولرنس پالیسی است انت، راجی مجرم آناں ھچ وڑیں این آر او دیئگ نہ بیت۔ آئی ءَ گوشت کہ 9 مئی ءِ کیس زوتاں چہ زوت وتی منطقی آسر ءَ سر کنگ بہ بنت۔ یک جستے ءِ پسو ءَ آئی ءَ گوشت کہ مزن وزیر نذیر تارڑ ءَ پارلیمنٹ ءِ باسک آناں مسودہ ءِ بابت ءَ سرپد کتگ، کانود ءِ وزیر ھم مسودہ ءِ بابت ءَ میڈیا ءَ را سرپد کنت ءُ ایشی ءِ سر ءَ ایوان ءِ تہ ءَ ھم گپ ءُ تران کنت۔ ادا سرکاری اتحاد ءِ درستیں مردم ساڑی انت، محمد نواز شریف ءُ حمزہ شہباز ہم چیزے وھد ءَ پد قومی اسمبلی ءَ سر بنت، ووٹنگ ءَ ہم بہر زور انت، درستیں نمبر سرجم انت۔ یک جستے ءِ پسو ءَ آئی ءَ گوشت کہ ھچ وڑیں اھوالکار ءِ ھلاپ ءَ ھچ وڑیں تلخی نہ بوتگ، من مدام کوشست کن آں کہ ھر اھوالکار ءِ وشی ءُ غم ءِ تہ ءَ بھر بہ زور آں، چہ خیبر پختونخوا ھاوس ءَ ھم ڈن ءَ ھم کوشست کن آں کہ آھاں ھم ھیال داری کنگ بہ بیت . آئی ءَ گوشت کہ اگاں اھوالکار ءِ ھلاپ ءَ ھچ وڑیں کارروائی کنگ بوھگ ءَ اِنت گڑا آئی ءِ نیمگ ءَ اشارہ بہ کن اِت، رسانکدر ءِ آجوئی ءِ واستہ 24 کلاک ءَ ھوار بہ بئے۔
