اسلام آباد۔19اکتوبر (اے پی پی):پشین ءُ ژوب ءَ ناشرکارانی ھلاپ ءَ سوبمندیں آپریشن ءِ پد ءَ صدر آصف علی زرداری ءَ سیکورٹی فورسز ءَ را شگر ءُ منت گپت۔ شمبے ءِ روچ ءَ صدر ءِ مملکت ءِ گس ءِ پریس ونگ ءِ نیمگ ءَ جاڑی بوتگیں بیان ءِ تہ ءَ صدر ءِ مملکت ءَ خوارج ناشرکار آنی ھلاپ ءَ آپریشن کنگ ءِ واستہ سیکورٹی فورسز ءِ پیشہ وارانہ لیکہ ءَ را ساڑات ءُ ناشرکاری ءِ ھلاپ ءَ آپریشن برجاہ دارگ ءِ جزم ءِ درشان کت ناشرکاری ءِ ھلاپ ءَ آپریشن تاں سرجمیں ھلاسی ءَ برجاہ بیت۔ صدر ءِ مملکت ءَ گوشت کہ سیکورٹی فورسز ناشرکار آنی ھلاپ ءَ بہادری ءَ گوں جنگ ءَ انت، سرجمیں راج ناشرکاری ءِ ھلاپ ءَ جنگ ءَ وتی سیکورٹی فورسز ءِ گوما ھوار انت۔
