چکن گونیا ءِ گیش بوھوکیں نادراھی تاوان بار اِنت، اے وائرس پشگ ءِ  ورگ ءَ چہ جسم ءَ پتریت، ڈاکٹر مرلی دھر

اکتوبر (اے پی پی) پاکستان ءِ نامداریں سرجن ءُ ایس آئی یو ٹی ءِ یورولوجی ءِ شعبہ ءِ چیئرمین ڈاکٹر مرالی دھر ءَ چکن گونیا ءِ گیش بوھوکیں نادراہی ءَ را تاوان بار لیک اتگ ءُ گشتگ کہ اے نادراہی پشگ ءِ ورگ ءَ چہ شنگ ءُ تالان  بیت  ءُ ایشی ءِ سبب ءَ بازیں مردماں  دائمی  تپ  بیت۔ نامداریں سرجن ڈاکٹر مرالی دھر ءَ اے پی پی ءَ گوں تران کنان ءَ گوشت کہ چکن پوکس ءِ تپ  ءِ   وائرسے ءَ چہ  بیت  ءُ اے وائرس ءَ چہ پشگ ءِ ورگ ءَ چہ  جسم ءَ  سر  بیت۔  پشگ ءِ ورگ ءَ چہ  سئے   ءَ بگر  تاں  ھپت  روچ ءَ چہ  تاں  تپ  بیت،  جسم ءَ درد ،  جوڑانی درد  ءُ پاد ءِ کونڈ  آنی درد  بیت  بلے بازیں  مردم آناں یک ماہے ءَ تاں  تپی  بنت ءُ ایشی ءَ چہ  تپ  ءَ بازیں   مردم   جوڑ آنی  درد  ءِ سبب  ءَ چہ ھمزور  بنت ءُ بازیں    مردم آنی کونڈ آنی درد مدامی  ءَ  تان   مان  انت۔  آئی ءَ گوشت کہ چکن پاکس ءِ تب ءِ واستہ پیراسیٹامول ءِ  گونا  آپ ءِ ورگ ءَ را گیش کنگ بہ بیت اگاں تب گیش بہ بیت گڈا  ڈاکٹر ءَ گوں مشورہ کنگ بہ بیت ڈاکٹر مرالی ءَ گوشت کہ اے وائرل تب اِنت ایشی ءَ را اینٹی بائیوٹکس ءِ ضلورت نہ اِنت۔ مچھراں چہ  پشگ  ءَ چہ   وتا بہ رکھیناں۔ چیا کہ اے وھد ءَ  ھمک نادراھی    پشگ آنی  وسیلگ ءَ  شنگ ءُ  تالان   بوھگ  ءَ انت۔   مردم  سپائی   ءِ  ھیال داری ءَ بکن  انت۔  آپ ءِ   درپ آنی  دپ ءَ بند بکن انت۔  دراجیں پوشاک گورا بکن انت ءُ   پشگ ءِ  تاچینگ ءِ  واستہ اسپرے  بکن انت۔   ءُ     بشانہ  ءِ کارمرزی  ءَ  الم بکن اَنت۔