اسلام آباد (اے پی پی) مزن وزیر محمد شہباز شریف ءَ گوریچانی عرب ءَ پاک بحریہ ءِ یکجاھیں ٹاسک فورس 150 ءِ گوما یکجا بوھان ءَ منشیات ءِ گر ءُ دار ءِ واستہ سوبمندیں آپریشن ءِ پد ءَ پاک بحریہ ءَ را خراج تحسین پیش کنان ءَ گوشت کہ پاک بحریہ وتی جوانیں سروک آنی بدولت ءَ 1.3 ٹن منشیات ءِ گر ءُ دار بوت کتگ۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ اے وڑیں مزنیں کساس ءَ شپوکی ءِ کوشست ناکام بوتگ۔ سرجمیں راج ءَ را پاک بحریہ ءِ سر ءَ پھر انت۔ مزن وزیر ءَ گوشت کہ منشیات ءِ گر ءُ دار گہبود ءِ واستہ سک باز المی انت۔ حکومت پاکستان منشیات ءِ مشن ءَ پاک بحریہ ءِ را توامیں آسراتی پجاری کنگ ءِ واستہ جزمیگ انت۔
