اسلام آباد۔18اکتوبر (اے پی پی):مزن وزیر ءِ جان سلامتی ءِ کوآرڈینیٹر ڈاکٹر مختار احمد بھرتھ ءَ گوشت کہ پاکستان ءِ جتا جتائیں طبی ادارگ آنی تہ ءَ فلسطینی نودربر طبی ءُ ڈینٹل ءِ وانگ ءُ زانگ ءَ رس اَنت آ اے گرانیں وھد ءَ فلسطینی نودربر آنی ھمراھی ءَ اوشتاتگ۔ وزارت جان سلامتی ءِ نیمگ ءَ آدینگ ءِ روچ ءَ جاڑی بوتگیں بیان ءِ رد ءَ فلسطین ءَ چہ 26 میڈیکل ءِ نودربر اسلام آباد بالی پٹ ءَ سر بوتگ اَنت۔ مزن وزیر ءِ ہدایت ءِ سرا ڈاکٹر مختار احمد بھرتھ ءَ مزن وزیر ءِ پنت ءُ شون ءِ سرا میڈیکل ءِ نودربراں گوں دلجمی ءَ وش آتک کت اے موہ ءِ سر ءَ آئی ءَ گوشت کہ مزن وزیر محمد شہباز شریف ءَ فلسطین ءِ میڈیکل ءِ نودربر آناں انوگیں جاور ھال آنی رد ءَ پاکستان ءَ وتی وانگ ءُ زانگ ءَ برجاہ دارگ ءِ پیشکش کتگ۔ غزہ ءِ پاکستان ءِ جتا جتائیں طبی ادارگاں طبی ءُ ڈینٹل ءِ وانگ ءُ زانگ در جن اَنت۔ ڈاکٹر مختار احمد بھرتھ ءَ گوشت کہ پاکستان ءَ میڈیکل ءِ وانگ ءِ سرجم کنگ ءَ پد آ وتی راج ءِ ھزمت ءَ واتر بوھگ ءِ وس ءَ دار ایت فلسطینی نودربر آناں میڈیکل آسراتی ءِ ھوار جوانیں وردن ءُ نندگ ءِ آسراتی پجاری ءِ واستہ ھمک رنگ ءِ گامگیج چست کنگ بیت۔
