اسلام آباد۔18اکتوبر (اے پی پی):مزن وزیر محمد شہباز شریف ءَ پاک بحریہ ءِ یکجاھیں ٹاسک فورس 150 ءِ گوما شمالی عرب ءِ بحیرہ ءَ منشیات ءِ ھلاپ ءَ سوبمندیں آپریشن ءِ سر ءَ شگر ءُ منت گپت ءُ گوشت کہ پاک بحریہ ءِ جوانیں سروک آنی بدولت ءَ 1.3 ٹن منشیات ءِ گر ءُ دار بوت کتگ۔ آدینگ ءِ روچ ءَ مزن وزیر کارگس ءِ میڈیا ونگ ءِ نیمگ ءَ شنگ بوتگیں بیان ءِ رد ءَ مزن وزیر ءَ گوشت کہ اے وڑیں مزنیں کساس ءَ منشیات ءِ قاچاق ءِ کوشست ءَ را ناکام کنگ ستا کرزیں گپ اِنت۔ وزیر ءَ گوشت کہ منشیات ءِ سرجمی ءَ ھلاسی انسانیت ءِ گہبودی ءِ واستہ سک باز المی انت، پاکستان ءِ حکومت اینٹی نارکوٹکس مشن ءَ پاک بحریہ ءَ را ھمک رنگ ءِ آسراتی پجاری کنگ ءِ واستہ جزمیگ انت۔
