اسلام آباد۔18اکتوبر (اے پی پی): پاکستان کرکٹ بورڈ ءِ چیئرمین محسن نقوی ءَ ملتان ٹیسٹ ءِ سوبمندی ءِ سر ءَ پاکستانی ٹیم ءَ را مبارک بات داتگ ءُ گوشت کہ مزنیں وھد ءَ پد وتی میتگ ءِ ٹیسٹ میچ ءَ سوبمندی ٹیم ورک ءِ سبب ءَ بوتگ۔ آدینگ ءِ روچ ءَ وتی مبارکی کلوہ ءِ تہ ءَ وزیر تہی کار محسن نقوی ءَ گوشت کہ ساجد خان ءُ نعمان علی ءَ جوانیں باؤلنگ ءِ وسیلگ ءَ سوبمندی ءِ تہ ءَ مزنیں کرد پیلو کتگ۔ آئی ءَ گوشت کہ کامران غلام ءَ پیسر ءَ چہ اولی میچ ءَ سنچری جوڑ کنان ءَ وتی سرجمیں صلاحیت ءِ درشان کتگ۔ آئی ءَ گوشت کہ ٹیم ءَ محنت، جذبہ ءُ پیشہ وارانہ نقطہ نظر ءِ گوما لیب کتگ ءُ سوبمند بوتگ۔ ٹیم ءِ نوکیں کھڈکاراں وتی گچین کاری ءِ جواز پیش کتگ۔ امیت انت کہ ٹیم انگلینڈ ءِ ھلاپ ءَ سیمی ءُ گڈی ٹیسٹ میچ ءَ جوانیں کارکردگی پیش دار ایت ءُ سیریز ءَ سوبمند بیت۔
