گورنر بلوچستان جعفر خان مندوخیل تون قطرانا شاہی خاہوت نا شیخ طلال خلیفہ الثانی نا اوڑدہی

کوئٹہ۔ 17 اکتوبر (اے پی پی) گورنر بلوچستان جعفرخان مندوخیل تون قطر انا شاہی خاہوت نا شیخ طلال خلیفہ الثانی پنچ شنبے نادے آ گورنر ہاؤس کوئٹہ ٹی اوڑدہی کرے۔ گورنر ہاؤس آن جاری بیان نارداٹ داوخت آ گورنر بلوچستان جعفر خان مندوخیل پارےکہ پاکستان و قطر انا نیام اٹ خوشگوار و دوستانہ تعلقداری جوڑ ءِ و زند انا چندی بشخ آتیٹی زرکاری نا کٹیائی وارخواہی ہم ساڑی ءِ، ہرافتیان فائدہ ہرفنگ نا گرج ءِ۔ اوپارے کہ داہیت ستاکڑزک کہ قطربھا ز کم وخت اٹی انڈسٹریلائزیشن، سپورٹس و سیل و سوات نا بشخ آتیٹی جہانی کہول آ تینا پن وہند اس جوڑ کرینے۔ داچرجوئی  ٹی بلوچستان نا بڑزکو تعلیم یافتہ ورنا و پوسکن کسب کار بندغ قطرانا شونداری و شونہالی ٹی اہم کڑد ادا کننگ کیرہ۔ اوپارے کہ رابطہ کاری آن پاکستان و قطر انا نیام اٹ تعلقداری تے پین گچین کننگ اٹ کمک رسینگک۔