پاکستان، منگولیا تون تین پہ تینی است خواہی نا غٹ بشخ آتیٹی تعلقداری تے ودفنگ نا خواہندار، وزیراعظم شہباز شریف نا ٹویٹ

اسلام آباد۔ 17 اکتوبر (اے پی پی) وزیراعظم محمد شہباز شریف شنگھائی کمکار تنظیم (ایس سی او) نا سروک حکومت نا کونسل نا دیوان اٹی بشخ ہلنگ آ منگولیا نا وزیراعظم اویون اردین لویسنائی نا منت واری ءِ ہرفسا تین پہ تینی است خواہی نا غٹ  بشخ آتیٹی ہڑتوم آملک آتا تعلقداری تے ودفنگ نا است خواہی نا درشانی ءِ کرے۔ وزیراعظم محمد شہباز شریف منگولیا نا وزیراعظم تون اوڑدہی آن پد پنچ شنبے نادے آ ایکس آ تینا پوسٹ اٹی پارے کہ منگولیا نا وزیراعظم اویون اردین لویسنائی تون اوڑدہی خوشی نا سوب ءِ۔ اوایس سی او نا سی ایچ جی نا 23 می دیوان اٹی بشخ ہلنگ کن پاکستان آ بننگ آاونا منت واری ءِ ہرفے و پارے کہ نن ہڑتوم آ کنڈآتا و علاقائی امور آ گپ وتران کرین۔وزیراعظم پاکستان نا کنڈآن منگولیا تون تین پہ تینی است خواہی نا غٹ بشخ آتیٹی تعلقداری تے ودفنگ نا است خواہی نا درشانی ءِ کرے۔ وزیراعظم تینا پوسٹ اٹی اوڑدہی نا عکس ہم شیئرکرے۔