اسلام آباد۔16اکتوبر (اے پی پی):شنگھائی تعاون تنظیم ءِ 23می دیوان ءَ بہر زورگ ءَ پد قازقستان ءِ مزن وزیر رومن گولووچینکو ءُ بنجاھی وزیر سرمایہ کاری بورڈ عبدالعلیم ءَ وتی ملک ءَ شتگ انت۔ علیم خان ءَ گوشت کہ آیوکیں وھد ءَ اے وڑیں سیادی ءُ تر ءُ تاب آنی ودار ءَ آں کہ اے دمگ ءِ واستہ سک باز نپ مند ثابت بیت۔ قازقستان ءِ مزن وزیر ءُ بیلاروس ءِ مزن وزیر ءَ بنجاھی وزیر عبدالعلیم خان ءِ شگر ءُ منت واری درشان کت ءُ گوشت کہ شنگھائی کوآپریشن آرگنائزیشن ءِ دیوان جوانیں ءُ مزن تک ءِ رنگ ءَ برجم دارگ بوتگ ءُ پاکستان ءَ آئی ءِ نندگ سک باز وش بوتگ وھدیکہ آئی ءَ … بازیں جوانیں اُمیت ءُ وشیں یاتاں پدا آرگ۔ شنگھائی کوآپریشن آرگنائزیشن ءِ دیوان ءِ موہ ءَ روس ءِ بنجاھی وزیر مواصلات، نجکاری ءُ سرمایہ کاری بورڈ عبدالعلیم خان ءُ ٹرانسپورٹ ءِ نائب وزیر دیمتری جیروف ءِ نیام ءَ یک ھاسیں دیوان ءِ برجم دارگ بوت ءُ اے دیوان ءِ تہ ءَ روس ءُ پاکستان ءِ نیام ءَ رابطہ ءِ پڑ ءِ سر ءَ گپ ءُ تران کنگ بوت ءُ نوکیں منصوبگ آنی سر ءَ ھیال ءُ لیکہ کنگ بوت۔ دیوان ءِ تہ ءَ گشتانک دیان ءَ بنجاھی وزیر عبدالعلیم خان ءَ گوشت کہ چین ءُ اوگانستان ءِ وسیلگ ءَ میاں اوستمانی ملک آناں روڈ نیٹ ورک پاکستان ءِ واستہ المی بیت، وھدیکہ روس ءِ نائب ٹرانسپورٹ ءِ وزیر دیمتری زیروف ءَ پاکستان ءِ رابطہ ءِ شوبگ ءَ سرمایہ کاری ءِ واستہ سک باز واھشت ءِ درشانی کت۔ دوئیں ملک آنی وزیر آنی گپ ءُ تران ءِ تہ ءَ گوشت کہ شنگھائی کمکی گل ءِ گند ءُ نند سک باز جوان بوتگ ءُ اے گامگیج دمگ ءِ دیمروئی ءِ تہ ءَ مزنیں کردے پیلو کنت۔ فیڈرل سیکرٹری کمیونیکیشن ءُ سیکرٹری ریلوے ءَ دیوان ءَ بہر زرتگ ءُ کمیونیکیشن ءِ شوبگ ءَ ھاسیں جیڈھ آنی سر ءَ بریفنگ داتگ۔
