اسلام آباد۔ 16اکتوبر (اے پی پی) نائب وزیراعظم و وزیرخارجہ محمد اسحاق ڈار پارینے کہ شنگھائی کمکار تنظیم نا سروک حکومت نا کونسل نا دیوان اٹی علاقائی رابطہ، واپار، زرکاری و زرگزرانی شونہالی نا مون آ دننگ کن تنظیم نا آخبت نا راہشونی کن چندی فیصلہ کننگا و دستاویز آتے منظور کننگانے۔ چارشنبے نادے آ شنگھائی کمکارتنظیم (ایس سی او) نا سیکرٹری جنرل جانگ منگ تون اوار کونسل آف دی ہیڈآف گورنمنٹ (سی ایچ جی) شنگھائی کمکار تنظیم سروک دیوان نا ایسر آ اسیجائی پریس کانفرنس آن تران کرسا نائب وزیراعظم و وزیرخارجہ سینیٹر اسحاق ڈار پارے کہ باسک ملک آتا 23 می سی ایچ جی شنگھائی کمکار تنظیم دیوان نا اڈتننگ و مہمانداری ءِ کننگ پاکستان کن اعزاز نا ہیت اسے۔ اوپارے کہ او باسک ملک آتا راہشون تا تعمیری کمکاری آ اوفتا منت وار ءِ۔ اوپارے کہ سی ایچ جی شنگھائی کمکار تنظیم نا چیئرمین نا حیثیت اٹ پاکستان باسک ملک آتا نیام اٹ پین کمکاری نا بشخ آتا پیدواری ءِ کننگ نا ہرممکن کوشست کرے ہراٹی رابطہ غاتیٹی ودکی، نیزگاری نا چٹفنگ و موسمیاتی بدلی پین پین اوار ءُ۔ اوپارے کہ پاکستان مہالو آن ہی دا چرجوئی ٹی ڈیہہ انا باسک ملک آتون کمک کرینے و اونا کوشست آتا سوب آن داسہ کمکاری نا چندی بشخ آتا منظوری ءِ تننگانے ہرافتے ٹی زرگزران، واپاری تنظیم، تخلیقی زرگزران نا شونداری و شنگھائی کمکار تنظیم نا باسک آتانیام اٹ پوسکن آ زرگزران نا مکالمہ نا تصور آک اوار ءُ۔ سی ایچ جی شنگھائی کمکار تنظیم پاکستان نا پرسکون و اپرامن دارالحکومت اٹی ایسر مس ہرامارگلہ نا دامن اٹ واقع ءِ۔ پاکستان دا جہانی دود انا مہمانداری ءِ کرے ہراٹی شنگھائی کمکار تنظیم نا باسک ملک آتا راہشونک بشخ ہلکر ہرافک زرگزران، امن و سوگوی ءِ مون تروک ساڑی آ جہانی چیلنج آتا پس منظر آ سجفیر۔ شنگھائی کمکار تنظیم دنیا نا آبادی، جغرافیائی محل و وقوع وزرگزران نا بنداو آ یوریشین ملک آتا دنیا نا غٹ آن بھلا گروپ ءِ ہرانا جہانی جی ڈی پی 23 درسد آن زیات ءِ۔ نائب وزیراعظم پارے کہ شنگھائی کمکار تنظیم نا چیئرمین نا حیثیت اٹ پاکستان نا دور اٹی شنگھائی کمکار تنظیم نا باسک ملک آتیاز ورشاغسا داسلابت و نتیجہ غاتسکان سرمننگ نا اسہ سال نا مریس عمل ئس۔ اوپارے کہ وزیر اعظم شہباز شریف شنگھائی کمکار تنظیم نا دیوان اٹی تینا تران اٹی شنگھائی کمکار تنظیم ناچارٹر و مسخت آتیکن پاکستان نا پورو عزم انا درشانی ءِ کرے، اوپارے کہ سی ایچ جی شنگھائی کمکار تنظیم نا چیئرمین نا حیثیت اٹ پاکستان باسک ملک آتا نیام اٹ پین کمکاری نا بشخ آتا پیدواری ءِ کننگ نا ہرممکن کوشست کرے ہراٹی رابطہ غاتیٹی ودکی، نیزگاری نا چٹفنگ و موسمیاتی بدلی پین پین اوار ءُ۔ اوپارے کہ پاکستان مہالو آن ہی دا چرجوئی ٹی ڈیہہ انا باسک ملک آتون کمک کرینے و اونا کوشست آتا سوب آن داسہ کمکاری نا چندی بشخ آتا منظوری ءِ تننگانے ہرافتے ٹی زرگزران، واپاری تنظیم، تخلیقی زرگزران نا شونداری و شنگھائی کمکار تنظیم نا باسک آتانیام اٹ پوسکن آ زرگزران نا مکالمہ نا تصور آک اوار ءُ۔ پاکستان دا جہانی دود انا مہمانداری ءِ کرے ہراٹی شنگھائی کمکار تنظیم نا باسک ملک آتا راہشونک بشخ ہلکر ہرافک زرگزران، امن و سوگوی ءِ مون تروک ساڑی آ جہانی چیلنج آتا پس منظر آ سجفیر۔ شنگھائی کمکار تنظیم دنیا نا آبادی، جغرافیائی محل و وقوع وزرگزران نا بنداو آ یوریشین ملک آتا دنیا نا غٹ آن بھلا گروپ ءِ۔ نائب وزیراعظم اسحاق ڈار پارے کہ او تعلقدار ایکشن پلان آ عملدرآمد کن تعلقدار کمکاری نا میکانزم نا کمک اٹ مربوط کوست آتا گرج آ ہم زور شاغا۔ اعلامیہ ٹی شنگھائی کمکار تنظیم نا باسک ملک آتا اقتصادی اولیت آتا بنداو نا قیام نا تصور، شنگھائی کمکار تنظیم نا باسک ملک آتا واپاری مون آدننگ نا تنظیم آتا نیام اٹ کمکاری نا تصور و تخلیقی زرگزران نا شونداری ٹی شنگھائی کمکار تنظیم نا باسک ملک آتا کمکاری نا فریم ورک آ عملدرآمد ءِ پک کننگ نا ہم پارت کننگانے۔ اوشنگھائی کمکار تنظیم نا باسک ملک آتا نیام اٹ ‘‘ پوسکن آ اقتصادی مذاکرات’’ نا شونداری ٹی کمکاری نا تصور آ عملدرآمد نا اہمیت ا ہم زور شاغا۔ راہشونک کچ اٹ واپار تون جہانی زرگزران اٹی چندی چیلنج و بے پک حالیت آتیا ہم تینا گڑتی درشانی ءِ کریر۔ شنگھائی کمکار تنظیم نا راہشونک سڑک و بندرگاہ تا رابطہ نا ہم ستاءِ کریر و شنگھائی کمکار تنظیم نا بینک، زرکاری و فنڈ انا شونداری کن کوشست آتے ترند کننگ آ زور شاغار وخت اس کہ سال 2025اکن شنگھائی کمکار تنظیم نا بجٹ نا ہم منظوری ءِ تننگا۔ اسحاق ڈار پارے کہ پاکستان 2025 کن سی ایچ جی شنگھائی کمکار تنظیم نا چیئرمین نا زمواری روسی فیڈریشن ءِ تسنے و اونا کماشی کن پدریسہ و پورو مخ تفی نا درشانی ءِ کرے۔ شنگھائی کمکار تنظیم نا سیکرٹری جنرل جانگ منگ تینا تران اٹی پاکستان ءِ داوڑنا بڑزکو کہولی دیوان نا مہمانداری کن زبردست کوشست کننگ آ مبارکبادی تس۔ اوپارے کہ دیوان اٹی واپاری سرجز و بزنس کونسل نا بابت تدوک آ دیوان نا نتیجہ غاتیا عملدرآمد نا بابت عملی کمکاری آ چکار کننگا۔ اوپارے کہ دیوان اٹی زرگزران نا چندی گمان تیا سرجمی اٹ گپ وتران کننگا۔ اومستی پارے کہ واپاری کمکاری ٹی شنگھائی کمکار تنظیم نا باسک آتا رفتار ءِ سوگو کننگ و باسک ملک آتا تین پہ تینی کمکاری ءِ آسان کننگ کن ساڑی آ میکانزم ءِ گچین کننگ کن پوسکن آ اقتصادی مکالمہ غا کمکاری نا تصور ءِ تینا کننگا۔ اوپارے کہ دیوان اٹی شنگھائی کمکار تنظیم ءِ پین گچین، آپریشنل و متحرک کننگ کن اعتدال پسندی و اصلاحات آ ہم گپ وتران کننگا۔ اوپارے کہ دیوان اٹی شنگھائی کمکار تنظیم نا کارکڑد، بجٹ و اونا باسک آتا کچ آ ہم گپ وتران کننگا، داکان بیدس جہانی و علاقائی امور آ گپ وتران کننگا و ڈیہہ و دنیا نا امن و شونہالی آ زور شاغنگا۔
