اسلام آباد۔ 16 اکتوبر (اے پی پی) شنگھائی کمکار تنظیم (ایس سی او) سروکی دیوان چارشنبے نادے آ اسلام آباد اٹی اڈ ہلک، جہانی میڈیا پبی کوریج فراوان کرے، چندی جہانی خبررساں ادارہ غاک دا ایونٹ نا اہمیت ءِ تالان کریر، ہراٹی باسک ملک آتا راہشون تا بشخ ہلنگ و تین پہ تینی کمکاری نا گرج آ زور شاغنگا۔ جہانی میڈیا دیوان اٹی واپاری تعلقداری، اقتصادی شونداری و سلامتی نا ویل آتیا مروک آ گپ تران نا سرجم آتے پیش کرے، ہراڑآن داہیت پیدوار مس کہ باسک ملک آتے اسیجائی چیلنج آتا مقابلہ ءِ کننگ کن کمکاری نا گرج ءِ۔ خبررساں ادارہ غاک بشخ ہلوک آ تانیام اٹ مروک آ گپ وتران ءِ اہم گوندسا پاریر کہ دا دیوان جہانی کہول آ سوگوی و شونداری نا کسر اٹی پیش رفت نا موقع فراوان کرے۔ جم وڑاٹ جہانی میڈیا کوریج داہیت آ زور شاغا کہ شنگھائی کمکار تنظیم نا دیوان نئے بیرہ علاقائی تعلقداری تے مون آ درے بلکن جہانی کمکاری نا اہمیت ءِ ہم نمان کرینے۔
