اسلام آباد۔16اکتوبر (اے پی پی):بنجاھی وزیر ءِ اھوالکاری ءُ شنگ کاری ، راجی مڈی ءُ دود ءُ ربیدگ، عطا اللہ تارڑ ءَ شنگھائی کمکی گل ءِ سروک دیوان ءِ میزبانی ءَ را پاکستان ءِ واستہ یک ھاسیں سنگ میل ءِ رنگ ءَ لیک اتگ کہ ایشی ءِ تہ ءَ راجی سیادی ءِ ھلاپ ءَ عناصر بوتگ انت۔ دعویٰ کنان ءَ کہ پاکستان جھان ءِ تک ءَ انزوا ءِ آماچ بوتگ بلے نوں دگنیا گندگ ءَ اِنت کہ مزنیں ملکانی سروکاں پاکستان ءِ تر ءُ تاب کتگ، تانکہ ھرچ ملک ءِ راجمانی دروشم ءَ شر کنگ بہ بیت، ما دلجم کتگ۔ دنیا کہ پاکستان ءِ تہا بے دروریں صلاحیت است انت۔ آئی ءَ اے گپ چار شمبے ءِ روچ ءَ چین ءُ پاکستان ءِ دوستی مرکز ءَ میڈیا ءَ گوں تران کنان ءَ گوشت۔ بنجاھی وزیر ءِ اھوالکاری ءَ گوشت کہ ایس سی او سروک دیوان ءِ واستہ پاکستان ءَ جوانیں بندوبست کتگ، سرجمیں دگنیا ءِ سروک ءُ نمائندہ آناں اے بندوبست ساڑاھگ بوتگ اَنت، امیت اِنت کہ دگنیا ءِ سروک ءُ نمائندہ پاکستان ءَ چہ جوانیں تاثراں زور اَنت۔ بنجاھی وزیر ءَ گوشت کہ بنجاھی دارالحکومت اسلام آباد دگنیا ءِ زیبائیں شہر آنی تہ ءَ یکے، مارگلا ہل ءُ راول جھیل اسلام آباد ءِ زیبائیں سیل ءُ سوادی جاہ اَنت، اسلام آباد ءِ ساپ ءُ سبزیں چاگرد قابل ذکر اِنت، ءُ ہوا ءِ کوالٹی ءِ انڈیکس 100 اِنت۔ ، ایس سی او سروک دیوان ءِ بہر زوروکاں سک باز جوانیں ھیال ءُ لیکہ ءِ درشانی کتگ۔ آئی ءَ گوشت کہ ایس سی او ءِ سروک دیوان پاکستان ءِ میاں اوستمانی سیادی آنی تہ ءَ یک کوہنیں میل ءِ انت۔ آئی ءَ گوشت کہ 27سال ءَ پد پاکستان ءَ یک مزنیں مراگش ءِ بوھگ ءَ اِنت کہ مئے واستہ شرپ ءِ گپ اِنت۔ آئی ءَ گوشت کہ شنگھائی کمکی گل ءِ بندات شنگھائی فائیو ءِ رنگ ءَ بوتگ، مرچی ایشی ءِ تہ ءَ 10دائمی باسک ءُ دو نگدکار ملک است انت۔ آئی ءَ گوشت کہ گوستگیں روچ ءَ توامیں مہمان آناں وش اتک کنگ بوت، آوانی شرپ ءَ گوستگیں شپ ءَ مزن وزیر ءِ نیمگ ءَ شام ءِ ورگ دات وھدیکہ مہمان آنی واستہ دود ءُ ربیدگ ءِ مراگش ھم برجم دارگ بوت ایشی ءِ سک باز ساڑاھگ بوت۔ بنجاھی وزیر ءَ گوشت کہ چین ءُ پاکستان ءِ دوستی ءِ مرکز ءَ ایس سی او ءِ سروکیں دیوان ءِ کوریج کنوکیں دمگی ءُ درملکی اھوالکار آنی واستہ میڈیا ءِ آسراتی ءِ مرکز ھم جوڑ کنگ بوتگ۔ آئی ءَ گوشت کہ ادا جتاجتاھیں ملک آنی اھوالکار ساڑی انت، آھاں میڈیا فیسیلیٹیشن سینٹر ءَ یکیں چھت ءِ چیر ءَ توامیں آسراتی پجاری کنگ بوتگ، آ وتی پیشہ وارانہ زمہ واری ءَ پیلو کنگ ءَ انت ءُ ایس سی او سروک دیوان ءِ کوریج وتی ملک آنی تہ ءَ ھم سر بوتگ۔ آئی ءَ گوشت کہ مزن وزیر شہباز شریف ءَ آدینگ ءِ روچ ءَ ایس سی او ءِ سروک دیوان ءَ دمگی ایمنی، گر ءُ دار ناشرکاری، موسمی مٹ ءُ بدلی ءُ اوگانستان ءِ بابت ءَ گپ جتگ۔ آئی ءَ گوشت کہ اے رنگیں دیوان آنی تہ ءَ سرمایہ کاری ءُ تجارت، معیشت، امن، ایمنی ءُ دود ءُ ربیدگ ءِ ھوالگ ءَ اے رنگیں دیوان آنی تہ ءَ گپ ءُ تران کنگ بیت۔ آئی ءَ گوشت کہ مئے میاں اوستمانی، چین، منگولیا، روس ءَ ھوار ایندگر ملک آنی گوما یکجائی دود ءُ ربیدگ ءِ ارزشت است انت، ایس سی او سروک دیوان ءِ موہ ءَ سرجمیں خطہ ءِ دود ءُ ربیدگ ءَ را اجاگر کنگ بوتگ۔ بنجاھی وزیر ءِ اھوالکاری ءَ دود ءُ ربیدگی تبادلہ ءِ دیمروئی ءِ ضلورت ءِ سر ءَ زور پر دیان ءَ گوشت کہ کجام ھم ملک ءِ السی امیج ءَ را گہتر کنگ ءَ دود ءُ ربیدگ ءِ ھاسیں کرد اِنت۔ آئی ءَ گوشت کہ ما دگنیا ءَ را دل یکیمی کتگ کہ پاکستان ءَ بے دروریں صلاحیت است انت، مرچی پاکستان ءَ ایس سی او ءِ دیوان ءِ سروکی کت، ایس سی او ءِ سروکی پاکستان ءِ واستہ شرپ ءَ چہ کم نہ انت۔ آئی ءَ گوشت کہ آ اتکگیں درستیں مہمان آنی منت وار آں، اے کثیر جہتی فورم ءَ اجتماعی جیڈھ آنی سر ءَ گپ ءُ تران کنگ بیت، دیم ءَ روگ ءِ واستہ گپ ءُ تران کنگ بیت، ایشی ءِ گوما ایس سی او ءِ سروک دیوان ءِ ساھت ءَ دو نیمگی گند ءُ نند ھم کنگ بیت۔ قازقستان، تاجکستان، ترکمانستان ءِ مزن وزیر ءُ دگہ ملک آنی سروک آنی گوما دو نیمگی گند ءُ نند کتگ ات، اے گند ءُ نند سرمایہ کاری ءُ تجارت ءِ رد ءَ سک باز المی بوتگ انت۔ آئی ءَ گوشت کہ وت مہ وتی کمک، صنعت، ھاٹیگ ءُ اے دگہ شوبگ آنی تہ ءَ ھاسیں گپ ءُ تران کنگ بوت۔ آئی ءَ گوشت کہ بنجاھی وزیر ءُ فوکل پرسن ءَ جتاجتائیں ڈل آنی گوما سرمایہ کاری ءُ تجارت ءِ ھوالگ ءَ جیڈھ آناں گیش ءُ گیوار کت۔ یک جستے ءِ پسو ءَ آئی ءَ گوشت کہ ھندی وزیر ءِ درئی کار ءَ گوں دو نیمگی گند ءُ نند ءِ ھچ وڑیں باقاعدہ لوٹ نہ رستگ، بلے ھندی ڈل ءِ آھگ ءَ چہ میاں اوستمانی تک ءَ جوانیں سگنل انت۔ آئی ءَ گوشت کہ گوستگیں روچاں پاکستان ءِ وزیر آنی روس ءِ تر ءُ تاب ءِ ساھت ءَ روس ءَ پاکستان ءِ کشت ءُ کشار، گیس، تیل ءُ کان کنی ءِ شوبگ آنی تہ ءَ سرمایہ کاری ءِ واستہ واھشت ءِ درشان کتگ۔ روس ءِ گوما مئے دو نیمگی سیادی ہر روچ گوزگ ءَ گوں گہتر بوھگ ءَ انت۔
