اسلام آباد۔16اکتوبر (اے پی پی):بنجاھی وزیر پٹرولیم ڈاکٹر مصدق ملک ءَ شنگھائی کمکی آرگنائزیشن ءِ سروکیں دیوان ءِ موہ ءَ وش گمانی ءِ درشانی کتگ ءُ دمگ ءِ اقتصادی دیمروئی ءُ برجائی ءِ سر ءَ زور پر داتگ۔ دمگی کمک ءِ ارزشت، یورپی یونین ءُ خلیج کمک کونسل (جی سی سی) ءِ وڑیں سوبمندیں میاں اوستمانی گل آنی نیام ءَ ھمگرنچی ءِ سر ءَ چمشانک دات ءُ گوشت کہ دگنیا ءِ 44 درسد آبادی ءِ نمائندگی کنگ ءُ جھان ءِ جی ڈی پی ءِ تہ ءَ 30 درسد ءِ کساس ءَ بھر زوری کنگ ءَ اے راج نوکیں راہ پچ کن اَنت۔ تجارتی ءُ دود ءُ ربیدگ ءِ سیادی ءَ را گیش کنگ ءِ وسیلگ ءَ دیمروئی ءِ موہ آنی سر ءَ گپ ءُ تران کنان ءَ ڈاکٹر مصدق ملک ءَ کلیدی مول ءُ مراد آنی سر ءَ تران کنان ءَ گوشت کہ اے ملک آنی واستہ گپ ءُ تران ءِ وسیلگ ءَ حکمت عملی جوڑ کنگ ءِ مزنیں موہ است انت۔ یکجاہ ءَ ما اقتصادی سرگرمی ءَ را گیش کنگ ءَ ایں، نوکیں کاروبار جوڑ کنگ ءَ ایں ءُ گڈسرا ورنا آنی واستہ گیشیں روزگار ءِ پجارینگ ءَ ایں بنجاھی وزیر ءَ مزنیں کھلاڑی آناں ھاسیں رنگ ءَ چین ءَ را ھم دلبڈی دات کہ آ نوکیں تجویز آناں میز ءِ سر ءَ بیار اَنت کہ آ گلوبل ویلیو چین آنی تہ ءَ ھوار بہ بنت ءُ گیش ءَ چہ گیش دیمروئی بہ کن اَنت۔ خطہ ءِ اقتصادی صلاحیت ءِ بابت ءَ بھارتی دری کارانی وزیر ایس جے شنکر ءِ بھر زوری ءِ ھوالگ ءَ ملک ءَ بھارت ءِ ایس سی او ءِ باسک ءِ بستار ءَ ھوار کنگ ءِ وش آتک کت، فورم ءَ پاکستان ءِ تہ ءَ تعمیری ھوار بوھگ ءِ عزم ءِ پدا زور دات۔
