پاکستان ءَ ایس سی او ءِ سروکیں دیوان ءِ واستہ جوانیں بندوبست کتگ، دود ءُ ربیدگ ءِ کجام ھم ملک ءِ پبلک ءُ سافٹ امیج ءَ را گہتر کنگ ءِ تہ ءَ مزنیں کردے پیلو کنت، آئی ءَ دگنیا ءَ را اے گپ ءِ سر ءَ دلجم کتگ کہ پاکستان ءَ بے دروریں ھاٹیگ  ھست، عطا اللہ تارڑ

اسلام آباد۔16اکتوبر  (اے پی پی):بنجاھی  وزیر اھوالکاری ، شنگ کاری ، راجی  مڈی  ءُ دود ءُ ربیدگ عطا اللہ تارڑ  ءَ گوشت کہ پاکستان ءَ شنگھائی کمکی گل ءِ سروک دیوان ءِ واستہ جوانیں بندوبست کتگ، کجام ھم ملک ءِ الس ءُ آئی ءِ نرمیں امیج ءِ کرد پیلو کنت۔ گہتری ءِ تہ ءَ ھاسیں کرد پیلو کتگ، ما دگنیا ءَ را اے گپ ءِ سر ءَ دلجم کتگ کہ پاکستان ءَ بے دروریں گنجائش است، ایس سی او ءِ سروکیں دیوان پاکستان ءِ جھان ءِ سیادی آنی واستہ سنگ میل اِنت۔ آئی ءَ اے گپ چار شمبے ءِ روچ ءَ شنگھائی کوآپریشن آرگنائزیشن ءِ حکومت ءِ سروک آنی 23می دیوان ءِ ساھت ءَ میڈیا ءَ گوں تران کنان ءَ کت۔ بنجاھی  وزیر ءِ اھوالکاری ءَ گوشت کہ پاکستان ءَ ایس سی او ءِ سروک دیوان ءِ واستہ جوانیں بندوبست کتگ، سرجمیں دگنیا ءِ سروک ءُ  نمائندہ آناں اے بندوبست ساڑاھگ بوتگ انت، امیت انت کہ دگنیا ءِ سروک ءُ  نمائندہ پاکستان ءَ چہ جوانیں تاثر آناں زورگ ءَ انت۔ بنجاھی  وزیر ءَ گوشت کہ بنجاھی  دارالحکومت اسلام آباد دگنیا ءِ زیبائیں شہر آنی تہ ءَ یکے، مارگلا ہل ءُ  راول جھیل اسلام آباد ءِ زیبائیں تفریحی جاہ اَنت، اسلام آباد ءِ ساپ ءُ  سبزیں چاگرد قابل ذکر اِنت، ءُ  ہوا ءِ کوالٹی ءِ انڈیکس 100 اِنت۔ ، ایس سی او سروک دیوان ءِ بہر زوروکاں سک باز جوانیں ھیال ءُ لیکہ ءِ درشانی کتگ۔ آئی ءَ گوشت کہ ایس سی او ءِ سروک دیوان پاکستان ءِ میاں اوستمانی سیادی آنی تہ ءَ یک کوہنیں میل ءِ انت۔ آئی ئَ گوشت کہ 27سال ئَ پد پاکستان ئَ یک مزنیں مراگش ئِ بوھگ ئَ اِنت کہ مئے واستہ شرپ ئِ گپ اِنت۔ آئی ءَ گوشت کہ شنگھائی کمکی گل ءِ بندات شنگھائی فائیو ءِ رنگ ءَ بوتگ، مرچی ایشی ءِ تہ ءَ 10دائمی باسک ءُ  دو نگدکار ملک است انت۔ آئی ءَ گوشت کہ گوستگیں روچ ءَ توامیں مہمان آناں وش اتک کنگ بوت، مزن وزیر ءِ نیمگ ءَ آوانی شرپ ءَ شام ءِ ورگ دیگ بوت وھدیکہ مہمان آناں دود ءُ  ربیدگ ءِ مراگش ھم برجم دارگ بوت ایشی ءِ سک باز ساڑاھگ بوت۔ بنجاھی  وزیر ءَ گوشت کہ چین ءُ  پاکستان ءِ دوستی ءِ مرکز ءَ ایس سی او ءِ سروک دیوان ءِ کوریج کنوکیں بنجاہی ءُ  درملکی اھوالکار آنی واستہ میڈیا ءِ آسراتی ءِ مرکز ھم جوڑ کنگ بوتگ۔ آئی ءَ گوشت کہ جتا جتائیں ملک آنی اھوالکار ادا اَنت، آھاں میڈیا فیسیلیٹی سینٹر ءَ یکیں چھت ءِ چیر ءَ سرجمیں آسراتی پجاری کنگ بوتگ اَنت، آ وتی پیشہ وارانہ فرض ءَ پیلو کنگ ءَ اَنت ءُ  وتی وتی ملک آنی تہ ءَ ایس سی او سمٹ ءِ کوریج کنگ ءَ اَنت۔ آئی ءَ گوشت کہ مزن وزیر شہباز شریف ءَ مرچی ایس سی او سروک دیوان ءَ امن ءُ ایمنی ءُ اوگانستان ءَ ھوار دمگی ایمنی ءُ موسمی مٹ ءُ بدلی ءِ بابت ءَ گپ جتگ۔ آئی ءَ گوشت کہ اے رنگیں دیوان آنی تہ ءَ سرمایہ کاری ءُ  تجارت، معیشت، امن، ایمنی ءُ  دود ءُ  ربیدگ ءِ ھوالگ ءَ اے رنگیں دیوان آنی تہ ءَ گپ ءُ  تران کنگ بیت۔ آئی ءَ گوشت کہ مئے میاں اوستمانی، چین، منگولیا، روس ءَ ھوار ایندگر ملک آنی گوما یکجائی دود ءُ  ربیدگ ءِ ارزشت است انت، ایس سی او سروک دیوان ءِ موہ ءَ سرجمیں خطہ ءِ دود ءُ  ربیدگ ءَ را اجاگر کنگ بوتگ۔ بنجاھی  وزیر ءِ اھوالکاری ءَ دود ءُ ربیدگی تبادلہ ءِ دیمروئی ءِ ضلورت ءِ سر ءَ زور پر دیان ءَ گوشت کہ کجام ھم ملک ءِ السی امیج ءَ را گہتر کنگ ءَ دود ءُ ربیدگ ءِ ھاسیں کرد اِنت۔ آئی ءَ گوشت کہ ما دگنیا ءَ را دل یکیمی کتگ کہ پاکستان ءَ بے دروریں صلاحیت است انت، مرچی پاکستان ءَ ایس سی او ءِ دیوان ءِ سروکی کت، ایس سی او ءِ سروکی پاکستان ءِ واستہ شرپ ءَ چہ کم نہ انت۔ آئی ءَ گوشت کہ آ اتکگیں درستیں مہمان آنی منت وار آں، اے کثیر جہتی فورم ءَ اجتماعی جیڈھ آنی سر ءَ گپ ءُ  تران کنگ بیت، دیم ءَ روگ ءِ واستہ گپ ءُ  تران کنگ بیت، ایشی ءِ گوما ایس سی او ءِ سروک دیوان ءِ ساھت ءَ دو نیمگی گند ءُ  نند ھم کنگ بیت۔ قازقستان، تاجکستان، ترکمانستان ءِ مزن وزیر ءُ  دگہ ملک آنی سروک آنی گوما دو نیمگی گند ءُ  نند کتگ ات، اے گند ءُ  نند سرمایہ کاری ءُ  تجارت ءِ رد ءَ سک باز المی بوتگ انت۔ آئی ءَ گوشت کہ وت مہ وتی کمک، صنعت، ھاٹیگ ءُ  اے دگہ شوبگ آنی تہ ءَ ھاسیں گپ ءُ  تران کنگ بوت۔ آئی ءَ گوشت کہ بنجاھی  وزیر ءُ فوکل پرسن ءَ جتاجتائیں ڈل آنی گوما سرمایہ کاری ءُ تجارت ءِ ھوالگ ءَ جیڈھ آناں گیش ءُ گیوار کت۔