اسلام آباد۔16اکتوبر (اے پی پی):مزن وزیر محمد شہباز شریف ءَ گوشت کہ مھکمیں دیمروئی ءِ واستہ دمگی کمک ءُ سیادی آنی دیمروئی المی انت پاکستان دمگی دیمروئی، برجائی ءُ سیادی آنی دیمروئی ءِ واستہ جزمیگ انت۔ سئے شمبے ءِ روچ ءَ شنگھائی کوآپریشن آرگنائزیشن ءِ سروک آنی دیوان ءِ بندات ءَ مزن وزیر ءَ گوشت کہ سپریم کورٹ ءِ سروک آنی کانفرنس ءِ میزبانی کنگ پاکستان ءِ واستہ شرپ ءِ گپ اِنت ما اسلام آباد ءَ وتی شرپداریں مہمان آناں وش اتک کن ایں ۔ آئی ءَ گوشت کہ ایس سی او ءِ ملک دگنیا ءِ آبادی ءِ 40درسد ءِ نمائندگی کن اَنت آئی ءَ گوشت کہ پائیداریں دیمروئی ءِ واستہ دمگی کمک ءُ سیادی آنی دیمروئی المی اِنت مرچی دیوان دمگی کمک ءِ واستہ یک ھاسیں موہ ءِ پجاری کنگ ءَ اِنت۔ اقتصادی دیمروئی ءِ ھاتر ءَ مارا یکجاہ دیم ءَ روگی اِنت پہ استحکام ءُ وشھالی ءَ۔ مزن وزیر ءَ گوشت کہ مارا یقین اِنت کہ گند ءُ نند ءِ تہ پائدگ مند ءُ پائدگ مندیں گپ ءُ تران ءِ آسر خطہ ءِ الس آنی واستہ کمیٹڈ پروموشن ءِ واستہ دور رس انت۔ مارا اجتماعی حکمت ءَ را کارمرد کنان ءَ دیم ءَ روگی اِنت، سیل ءُ سواد ءِ رابطہ ءُ ماحول دوستیں دیمروئی ءِ شوبگ آنی سر ءَ دلگوشی دیگ ءِ ضلورت اِنت، تجارتی رابطہ آناں گیش کنگ ءِ کوشست ھم المی اِنت۔
