ایس سی او دیوان، وزیراعظم و وزیرخارجہ مہمان تے بخیرکریر

اسلام آباد۔ 16 اکتوبر (اے پی پی) شنگھائی کمکارتنظیم نا سروک حکومت آتا دیوان اٹی بشخ ہلنگ کن جناح کنونشن سینٹراٹی سرمروک آ سروک حکومت و مندوبین آتے وزیراعظم محمد شہباز شریف و نائب وزیراعظم و وزیرخارجہ اسحاق ڈار ئسک بخیرکریر۔ ایس سی او نا سیکرٹری جانگ منگ و ایران نا وزیر صنعت سید محمداتابک غٹ آن مست جناح کنونشن سینٹر آ سرمسر ہراڑے وزیراعظم محمد شہباز شریف و نائب وزیراعظم و وزیرخارجہ اسحاق ڈار ئسک اوفتے بخیرکریر۔ اوکان پد باسک ملک آتا سروک حکومت و مندوبین آک واری واری آ کنونشن سینٹر آ سرمرساکریر، شرفمند آ مہمان تے بخیرکننگ آن پد وزیراعظم مہمان آتون واری واری فوٹو سیشن کرفسا کرے۔