اسلام آباد۔ 05 جولائی (اے پی پی ) بنجائی وزیر کانود انصاف و پارلیمانی امور اعظم نذیر تارڑ پارینے کہ بروک آ دونیم سال اٹی ملک انا غٹ یونین کونسل آتیٹی نادرا سینٹر جوڑ کننگک۔ جمعہ نادے آ سینیٹ اٹی وقفہ سوج آتیٹی سینیٹر فوزیہ ارشد، دنیش کمار، شہادت اعوان و ایلو باسک آتا سوج آتا ورندی ٹی پارےکہ اوپارے کہ ملک اٹی 11 ہزار 777 یونین کونسل ءُ، اولیکو ریسہ ٹی شاری علاقہ غاتیٹی نادرا سینٹر جوڑ کننگک ارٹ میکو ریسہ ٹی ملک انا ایلو علاقہ غاتسکان دافتا دنگ ءِ ودفنگک، دونیم سال اٹی ملک انا ہریونین کونسل اٹی نادرا سینٹر جوڑ کننگک، شناختی کارڈ انا جاری کننگ کن موبائل وین تا آسراتی تننگ انگ ءِ۔ مر مر انگا علاقہ و خصوصی بندغ آتیکن موٹربائیک آتا آسراتی ہم تننگ انگ ءِ و 16 ہزار آن زیات مخلوق داتم اسکان داڑآن فائدہ ہرفینو، وخت اتون اوار اوار داٹی پین گچینی بریک، بروک آ دونیم سال اٹی مچ آ ملک اٹی پاکستان نا ہریونین کونسل اٹی پدریسہ نادرا سینٹر جوڑ کننگک۔ اوپارے کہ نادرا مچ آملک اٹی یونین کونسل کہول آ تینا خذمت آتے ودفنگ نا ریسہ وار پروگرام جوڑ کرینے۔ اولیکو ریسہ ٹی دہ تُواٹی 1150 یونین کونسل آتیٹی نادرا نا مسہ بنداوی آسراتی فراوان مریک، ارٹ میکو ریسہ ٹی شش تُو آن پد پین شش ہزار یونین کونسل آتیٹی دا خذمت فراوان مریک، آخیریکو ریسہ غاتیٹی ایلو ماندہ 55سد یونین کونسل آتیٹی نادرا نامسہ خذمت فراوان مریک، مسہ خذمت آتیٹی چائلڈ رجسٹریشن سرٹیفکیٹ ، فارم ب، مرک انا سوب قومی شناختی کارڈ انا تنسیخ، قومی شناختی کارڈ ءِ دُوارہ پرنٹ کننگ اوار ءِ۔ بنجائی وزیر کانود انصاف وپارلیمانی امور پارے کہ سی ڈی اے نا سیکٹر آئی۔ 15 نا ڈٹ 1994ٹی جوڑ کننگا، اوکان پد 2005 و 2014 ٹی دا سیکٹر نا لے آؤٹ پلان ءِ بدل کننگا، داسہ 2014کن لے آؤٹ پلان نا رداٹ کوزہ تننگ انگ ءِ۔ داتم اسکان 900 الاٹی تا درکواست دوئی مسنے 25 الاٹی تے کوزہ تننگانے۔ چیئرمین سینیٹ باندات ءِ تعلقدار قائمہ کمیٹی آ گدریفے۔ اعظم نذیر تارڑ پارے کہ چیئرمین سی ڈی اے بایدے کمیٹی ٹی پیش مرے، سی ڈی اے ٹی خرابی تا اعتراف ءِ کیوہ۔ اوپارے کہ چیئرمین سی ڈی اے کمیٹی ٹی تیاری اتون پیش مرے ورنہ او تینٹ زموار مریک۔
