اسلام آباد۔ 05 جولائی (اے پی پی) بنجائی وزیر پاور ڈویژن اویس احمد خان لغاری پارینے کہ گولن گول ہائیڈرو پاور پروجیکٹ آن بجلی نا پیدوار اٹی اڑاند نا سوب آن چترال نا چندی علاقہ غاتیٹی بجلی نا فراوانی زہمی مسنے، بجلی نا زوت فراوانی ءِ بحال کننگک۔ جمعہ نادے آ سینیٹ نا دیوان اٹی سینیٹر فلک نا زنا چکاری نوٹس نا ورندی ٹی سردار اویس احمد لغاری پارے کہ بدبختی اٹ ننا بجلی نا مچ آ سسٹم ءِ اسہ زنگ اس لگوک ءِ اودے سہی کننگ نا کوشست کننگ اُن۔ ڈسٹری بیوشن کمپنی تا باندات آتے گچین کننگ نا کوشست کننگ انگ ءِ۔ انشاء اللہ نن باندات آتیٹی گچینی اتینہ۔ اوپارے کہ چترال اٹی گولن گول ہائیڈرو پاور پروجیکٹ نا جم پن بجلی نا پیدوار 108 میگاواٹ ءِ، پیڈوپنی ادارہ دانا انتظام ءِ چلیفک و واپڈا اودے آپریٹ کیک۔ اوپارے کہ خرابی نا سوب آن تدوک آ36 گھنٹہ ٹی داڑآن پیدوار سلیسوسس وخت اس کہ مارچ 2024ء ٹی چترال ءِ ہرا نیشنل گریڈنا لین گنڈک، اونا پول تمنگ ناسوب آن ہم ویل ودی مس۔ اوپارےکہ ہراتم گولن گول ہائیڈرو پاور پروجیکٹ آن بجلی نا پیدوار اٹی خلل ودی مریک تو ولدا نیشنل گریڈ آن بجلی فراوان کننگک و داسسٹم اٹ خرابی ءِ مر کننگ اٹ اسہ اِرا ہفتہ لگک۔ اوپارے کہ گڑاس علاقہ غاتیٹی گولن گول پن بجلی ڈٹ آن بجلی نا فراوانی بحال مسنے۔ بجلی نا پورو فراوانی ءِ بحال کننگ کن گام گیج کننگ انگ ءِ دا ویل ءِ زوت ایسر کننگک، محرک ءِ اسہ گھنٹہ ٹی دابابت سرجم معلومداری فراوان کننگک۔
