اسلام آباد۔ 05 جولائی (اے پی پی) نائب وزیراعظم و وزیرخارجہ سینیٹر محمد اسحاق ڈار برطانیہ نا لیبر پارٹی نا راہشون سرکیئر سٹارمر ءِ پارلیمانی گچین کاری تیٹی تاریخی سرسہبی آ مبارکبادی تسنے۔ نائب وزیراعظم جمعہ نادے آ سوشل میڈیا پلیٹ فارم ایکس آ تینا تہنیتی کلہو اٹی پارے کہ برطانیہ ٹی پارلیمانی گچین کاری تیٹی تاریخی سرسہبی آ لیبر پارٹی نا راہشون کیئر سٹارمر ءِ مبارکبادی ایتیوہ۔ اوپارے کہ پاکستان و برطانیہ اسیجاتاریخ و الس تون الس نا نیام اٹ کڑمب و گیشتر بنداو تعلقداری  ءِ۔ نائب وزیراعظم داپت انا درشانی ءِ کرے کہ سرکیئر سٹارمر نا دورِ حکومت اٹ پاکستان و برطانیہ نا نیام اٹ ہڑتوم آ کنڈآتا تعلقداری پین سوگومریک و ہڑتوم آملک آک جہانی امن، شونہالی و شونداری کن اواری اٹ کاریم کیرہ۔

متعلقہ مضامینمصنف کی طرف سے مزید