ٹیکس  دزئی  ءَ گوں دست مانجیں مردم  آنی گوما    کرائم  ءَ  آوانی گوما  ھمبراہ داریں  اپسرگ  ءُ کارندہ آناں  ھم سزا  دیگ  بیت،  مزن وزیر  شہباز شریف  ءِ سروکی  ءَ  ایف بی آر ءِ  گہتری  ءُمزن تکی  چار ءُ تپاسی  دیوان

اسلام آباد۔5جولائی  (اے پی پی): مز ن  وزیر  محمد شہباز شریف  ءَ گوشتگ کہ اربانی  کلدار  ءِ ٹیکس   دزئی  کنوک  آنی واستہ  ٹیکس  نظام     ءَ را  ڈیجیٹیلائیزیشن  حکومت ءِ اولی   ترجی  انت۔  ٹیکس  دزی  ءَ   گوں دست مانجنیں  مردم آنی گوما    آوانی  ھمبراہ  داریں  اپسرگ ءُ کارندہ  آناں   ھم سزا دیگ  بیت۔  الس     ءِ زر  آنی  دزئی کنوک آناں معاف  کنگ نہ بیت۔  ٹیکس  دزئی ءِ   کچ ءُ کساس  ءُ  ایشی ءِ گر ءُ دار     ءِ ٹوھیں   رپورٹ ءِ پیش کنگ بہ بیت۔ آدینگ ءِ  روچ ءَ مزن وزیر  کارگس  ءِ  میڈیا ونگ  ءِ نیمگ  ءَ جاڑی بوتگیں  بیانءِ رد ءَ      اے  ھیالانی درشانی آئی ءَ ایف  بی آر  ءِ   گہتری     کار آنی  ھوالگ ءَ مزن  تکی   چار ءُ  تپاسی دیوانے    ءِ   سروکی ءَ کنان ءَ کت۔  دیوان ءَ بنجاھی وزیر  محمد  اورنگزیب  ، احد خان چیمہ ،  وزیر   مملکت  علی  پرویز  ملک،  مزن وزیر   ءِ کورآرڈینیٹر    رانا  احسان ل  افضل،  چیئرمین  ایف   بی آر ،  پاکستان بزنس  کونسل   ءِ   سی  ای او احسان   ملک،  کار انداز ءِ  سی  ای او وقاص   الحسن  ءُ سیادی داروکیں   کارندہ  آنی گوما ڈاکٹر  شمشاد اختر  ، نوید ل  اندرابی،  صف   پیر ءُ علی ملک ءَ وڈیو لنک ءِ  وسیلگ ءَ  بھر زوری کت۔  دیوان  ءَ مزن وزیر  ایف  بی آر ءِ جاڑیگیں    ڈیجیٹائزیشن    کار   ءُ گہتری آنی بابت ءَ بریفنگ  دات۔  مزن وزیر ءَ گوشت کہ اے وڑیشن نان  فائلرز  ھما کہ ٹیکس دات کناں  ءُ  گوشوارے  جم   نہ کنائین انت  آواناں زوت  ٹیکس  نیٹ ءَ  آرگ  بہ بیت۔  کسٹمز اپریزرز   ءِ  مستری  توری  گپت  یا  یلو  کنت  مستر وت انت،  ایش  ھلاس  کنگ بہ بیت۔   چیئرمین ایف  بی آر  آیوکیں   24  کلاک  آنی سا ھت  ءَ   آئی ءِ  داتگیں پنت ءُ شونگ  آناں   دل  یکیمی  جوڑ  کنان ءَ رپورٹ پیش بکنت۔   آئی  ءَ گوشت کہ   ٹیکس  دزئی ءَ گوں  دست مانجنیں  مردم آنی گوما   اے جزم ءَ آئی  ءِ ھمبراہ داریں  مردم   ءُ اپسرگ     ءُ کارندہ   آناں ھم   سزا  دیگ   بہ  بیت۔  پاکستانی  الس   ءِ زر  آنی  پلوک  ءُ   آوانی  گوما ھمبراہ داری  کنوک آناں  اچبر  معاف  کنگ نہ بیت۔  آئیءَ گوشت کہ  اے وڑیں  ٹیکس    دیوک  کہ  وھد ءُ موہ ءِ   سر ءَ وتی   زمہ واری آناں  پیلو کن انت   آوانی  اے  کار ءَ را   سہرائی  کنگ بہ بیت۔  دکہ   آنی سر ءَ نوکیں  میاں اوستمانی   کد ءُ بالاد ءِ سکینرز  جنگ بہ بیت ایشی  ءَ چہ   نظام   ءَ ساپ ءُ سلہ  ائی  ءُ کرپشن  ءِ ھلاسی  بیت۔    آئی ءَ گوشت کہ ٹیکس  دزئی   ءِ  کچ ءُ کساس  ءُ ایشی ءِ گر ءُ دار  ءِ   واستہ   یک ٹوھیں  رپورٹ ءِ پیش کنگ بہ بیت۔ اربانی کلدار ءِ ٹیکس  دزئی ءَ را گر ءُ داسر      ءِ واستہ ٹیکس  نظام  ڈیجیٹائزیشن     حکومت   ءِ اولی  کار  انت۔  ٹیکس  نظام ءَ  ڈیجیٹائزیشن   ءِ  نگرانی  ءِ واستہ زوتاں زوت   یک   ڈیش  بورڈ  ءِ جوڑ کنگ بہ بیت۔  ٹیکس  ءِ ھوالگءَ  میاں اوستمانی تک ءَ  استیں  جوانیں نظام  ءَ را پاکستان   ءَ   جاڑی  ءُ برجا دارگ بہ  بیت۔  ٹیکس  پالیشی  ءِ جوڑیشت ءِ واستہ   کزبی   کار آنی تہءَ بلدکاریں  ءُ   شاہوکاریں اپسرگ آناں   پوسٹ کنگ بہ  بیت ۔  اے دیوان ءَ را  گوشگ بوت   کہ  ایف  بی آر  ءِ ڈیجیٹائزیشن  ءِ  برجا  دارگ ءِ ساھت ءَ  45  لکھ  انچیں  مردم آنی   ٹک ءُ نشان کنگ بوتگ  کہ آ   ٹیکس   دات کناں  بلے ٹیکس نہ دیاں  آ  ٹیکس نیٹ  ءَ مان  نہ انت۔    حکومتی  گامگیج    آنی  نتیجگ  ءَ  گوستگیں لستیں ہفتگ  آنی   تہءَ  3 لکھ    ءَ چہ گیش  ٹیکس  دیوان  آں وتی   گوشوارے جم کنائینتگ انت۔ گوستگیں    دو ہفتگ آنی تہ ءَ   انڈر انوائسنگ  ءُ  دروگیں سیلز  ٹیکس  ریفنڈز  کنوکیں   4 ہزار   کمپنی  آنی  ٹک ءُ نشان    دیان ءَ  ریفنڈز  دارگ بوتگ انت۔ دیوان ءَ را  گوشگ بوت کہ   ایف  بی آر ءِ گہتری کار    ءُ ڈیجیٹائزیشن    ءِ ھوالگ ءَ   چہ  مزن وزیر   ءِ پنت ءُ  شون  ءِ    پد ءَ گوں ترندی ءَ کار  جاڑی انت۔  ایف  بی آر    ءِ استیں نظام ءُ  لس  مردم   تاکت ءِ     ھوالگ ءَ     چار ءُ  تپاسی  وتی  گڈی  سیم  سر آنی  تہ ءَ سر  انت۔  مزن وزیر  ءَ ایف  بی  آر  ڈیجیٹائزیشن    ءُ گہتری  کار آنی ھوالگ ءَ  گیشنتگ  سیم سر آنی   گوما     ٹوھیں  کارھبند  ءُ کار رپک   آیوکیں  دیوان ءَ  گوانک  جتگ۔