اسلام آباد۔ 05 جولائی (اے پی پی) بنجائی وزیر کانود وانصاف و پارلیمانی امور اعظم نذیر تارڑ پارینے کہ اسلام آباد اٹی اولیکو ریسہ ٹی 30 الیکٹرک بس سرمسنو، الیکٹرک بس آتا بس ڈپوٹی اسہ وخت اٹی 12 بس آتا چارجنگ مننگ کیک، الیکٹرک بس آتا ڈٹ انا اولیکو ریسہ نا اینو جمعہ آ بنامننگ ءِ، داگاڈیک چاگڑد دوستءُ، اوفتا کاریم اٹ اتنگ آن ایندھن نا بچت ہم مریک۔ جمعہ نادے آسینیٹ اٹی وقفہ سوج آتیٹی بنجائی وزیر کانود وانصاف اعظم نذیر تارڑ پارینے کہ آخبت الیکٹرک وہیکلز نا ءِ، اسٹ تو داڑآن چاگڑد نا منفی اثرآتیان ہم بچنگ کینہ، ارٹ میکو فیول انا ہم بچت مریک ، داسہ دادے مون آ دننگ نا گرج ءِ۔ اسلام آباد کن الیکٹرک گاڈی درآمد کننگانے، اسلام آباد اٹی اولیکو ریسہ ٹی 30 الیکٹرک بس سرمسنو۔ الیکٹرک بس آتا بس ڈپوٹی اسہ وخت اٹی 12 بس آتا چارجنگ مننگ کیک۔ الیکٹرک بس آتا ڈٹ انا اولیکو ریسہ نا اینو بنامننگءِ۔ داچاگڑد دوست ڈٹ اسے ہرانا ستا ءِ کننگ انگ ءِ۔ ننا آخبت الیکٹرک گاڈی تا ءِ۔ داگاڈیک چاگڑد دوست و ایندھن نا بچت اٹی ہم کمکارمریرہ۔ نن ملک اٹی الیکٹرک گاڈی تے مون آ دننگ نا پالیسی آ ہِننگ اُن۔ الیکٹرک بس آتیٹی رکھی بست وبند آتے پک کننگانے۔
