آستانہ۔4جولائی (اے پی پی): مزن و زیر محمد شہباز شریف ءَ دمگی ءُ میاں اوستمانی جیڈھ آنی گوما گر ءُ چیل بوھگ ءِ واستہ ارزشتی ایں نامینان ءَ دھمکی یا تاکت ءِ یک شلی ءَ کارمرزی گیر کانودی کارمرزی ءِ ھلاپ کتگ ءُ ناشرکاری ءِ ھلاپ ءَ مقابلہ کنگ ءُ کوھنیں ءُ جاڑیگیں کشاں چیل آنی ایمنی ءَ گوں گیواری ءِ واستہ پاکستان ءِجزم ءِ درشان کتگ۔ اے ھیالانی درشانی آئی ءَ پنچ شمبے ءِ روچ ءَ شنگھائی کمکی گل ایس سی او” ءِ مملکت آنی سروک ءِ کونسل ءِ 24 بیست ءُ چارمی دیوان ءِ موہ ءَ ایس سی او پلس فارمیٹ ءِ دیوان ءَ گشتانک دیان ءَ کت۔ آئی ءَ گوشتگ کہ یونائیٹڈ نیشن ءِ سلامتی کونسل ءِ ادارکی باسک ءِ بستار ءَ چہ 26-2025 ءِ ساھت ءَ پاکستان کوھنیں ءُجاڑیگیں کشاں چیل ءِ ساپ ءُ سالیں ءُ ایمنیں گیواری، دھمکی یا تاکت ءِ یک شلی ءُ گیر کانودی رنگ ءَ کارمرزی ، ناشرکاری ءِ مقابلہ کنگ ءُ باسکیں ملک آنی گوما شریکداری ءَ ایس سی او ءِ ایجنڈا آناں دیم ءَ ودینگ ءِ واستہ جزمیگ انت۔ مزن وزیر ءَ گوشت کہ چپ ءُ چوٹیں میاں اوستمانی دمگی جیڈھ آں گوں یونائیٹڈ نیشن ءِ فریم ورک ءِ توک ءَ باز کسی یکوئی ءِ وسیلگ ءَ جوانیں رپک ءَ گوں گر ءُ چیل بوت کنے۔ آئی ءَ گوشت کہ پاکستن یونائیٹڈ نیشن ءِ سلامتی کونسل ءَ وتی جوانیں تجروبت ءُ ازمکاری ءُایمنی ءُ سلامتی ءِ برجائی ءِ واستہ شریکدار آنی مھکمیں میراس زرتگ ءُ آورتگ۔ آئیءَ شنگھائی کمکی گل ءِ سروک دیوان ءِ بست ءُ بند کنگ ءِ پد ءَ کزاکستان ءِ صدر قاسم جومارت توکائیوف ءَ را مبارک بات دات ءُ امیت سہرا کت کہ آستانہ ءِجار ءُ اے دیوان ءَ منظور بوھوکیں ایندگر مسل ایمنی ءُ وشھالی ءِ مول ءُ مراد آنی واستہ کوشست آناں دیمروئی دیگ ءَ ارزشتی ایں کرد ءِ پیلو کنت۔ نسل ءُ نیک راھ ءِ بنیات ءَ کسد ءُ کینگ ءِ لہڈ ھاسیں رنگ ءَ سلاموفوبیا، موسمی ھور ءُ ھار ءُ کویڈ-19 ءَ چہ پد بوھوکیں جاور آنی ھوالگ ءَ آئی ءَ گوشت کہ یکوئیءِضلورت انت۔ آءیءَ فلسطینی الس آنی بے کساس مشکل آنی نیمگ ءَدلگوشی کنائینت ایشی ءَ چہ 37000 ءَ چہ گیش فلسطینی آناں شہید کنگ بوتگ ءُ لکھانی مردم آناں بے لوگ کنگ بوتگ۔ آئی ءَ یونائیٹڈ نیشن ءِ بنی آدمی ھک آنی کمیشن ءِ انکوائری رپورٹ ھم منظوری داست ایشی ءِ اندر ءَ اسرائیل ءِکاروائی آناں جنگی کرائم ءُ میاں اوستمانی انصاف ءِآمید گس ءَ ایشرا نسل کشی نامینتگ ۔ ایشی ءِ پسو دیگ ءِ لوٹ کت۔ مارا میاں اوستمانی برات آں گوں ھاسیں رنگ ءَ یونائیٹڈ نیشن ءِ سلامتی کونسل ءَ گوں لوٹ کنگ لوٹ ائیت کہ آ وتی زمہ واری آں پیلو بکنت ءُ زوت جنگ بندی بکنائین ائیت۔ بنی آدم آنی کمک ءَ را آسانی ءَ گوں پجاری ءُ غزہ ءَ شہری آنی رکھینگ ءَ را دل یکیمی جوڑ بکنت ءُ یونائیٹڈ نیشن ءَ را ایمنی ءَ گوں گیواری ءِ منوگری ءَ را پد ءُ رندی دل یکیمی جوڑ کنگی انت۔ موسمی مٹ ءُ بدلی ءِ جیڈھ آنی سر ءَ چمشانک دیان ءَ مزن وزیر ءَ پاکستان ءِ 2022 ءِسیلاپ ءِ تران کت ایشی ءَ چہ جان ءُ مڈی آناں مزنیں کساس ءَ تاوان بوتگ، کاربن ءِ یلوئی ءَ پاکستان ءِ بھر نہ بوھگ ءِ برابر انت۔ آئی ءَگوشت کہ ھمزوریں ملک آناں گوں پچیں دل ءَ مالی ءُ تکنیکی کمک آواناں دوارگ جوڑیشت، ایشاناں دیم ءَ جنزگ ءِ لائک جوڑ کنت آئی ءَ میاں اوستمانی کوکار ءَ را گیش جوانتر، شاھیگان ءُ ھمکچ جوڑ کنگ ءِواستہ بنیاتی گہتری کنگ ءِ ھم زور پر دات۔ مزن وزیر شہبازشریف ءَ اے جزم ءِ درشان کت کہ پاکستان وت مستری ءُ پینگ نہ جنگ ءِ رھبند آنی شرپ ءُ ازت ءَ کنان ءَ ھکچی ءُ ایمنیں میاں اوستامنی نظام ءِ یکجائی مول ءُ مراد آنی در جنگ ءِ واستہ باز کسی ادارگ آناں مھکم کنت انت ءُ میاں اوستمانی کمک آناں ودین ائیت۔
