اسلام آباد۔3جولائی (اے پی پی):صدر مملکت آصف علی زرداری ءَ زالبول آنی معاشی وت مستری ءِ واستہ مالی ازمت ءُ وام آں تاں پجاری گہتر جوڑ کنگ ءِ ضلورت ءِ ھوالگ ءَ زور پر دیان ءَ گوشتگ کہ کاروباری زالبول آنی دلبدی ءُ بینکنگ شوبگ ءَ زالبول آنی نماھندگی ءَ را ودینگ ءِضلورت انت۔ ایوان ءِ صدر ءِ پریس ونگ ءِ نیمگ ءَ جاڑی بوتگیں ھال آنی رد ءَ صدر ءَ اے ھیالانی درشانی سٹینڈرڈ چارٹرڈ بینکءِ گروپ چیف ایگزیکٹو بل ونٹرز ءِ سروکیءَ ڈل ءَ تران کنان ءَ کت ایشی ءَ چہ پد ادا ایوان صدر ءَ آئی ءَ گوں گند ءُ نند کت۔ آئی ءَ زالبول آنی معاشی وت مستری ءَ چہ ھاندان آنی وشھالی ءُ ملکی دیمروئی ءَ کمک رسیت۔ صدر مملکت ءَ گوشتگ کہ پاکستان ءَ ماحولیات ءِ رکھینگ ءُجنگل آنی دیمروئی ءِ وستہ گامگیج کتگ۔ حکومت سندھ ءَ مینگر و جنگل جتگ ءُ میاں اوستمانی مارکیٹ ءَ کاربن کریڈٹس ءِ تجارت ءَ چہ زر امبار در جتگ۔ صدر آصف علی زرداری ءَ گوشتگ کہ موسمیاتی شوبگ آنی تہءَ سرمایہ کاریءَ چہ ماحولیاتی ءِ رکھینگ ءَ کمک رسیت۔ آئیءَ کشت ءُ کشار ءُ بنیاتی کوکا ءَ چہ منصوبگ ھاسیں رنگ ءَ کسانیں ڈیم ، پل ءُ پاور پلانٹس آں چہ سرمایہ کاری ءِ ھوالگ ءَ زور پر داتگ ءُ گوشتگ کہ بینک دھکان آنی کشت ءُکشار ءِ ضلورت آں تاں رسائی ءَ را ودینگ ءِ واستہ مالیاتی ازمت ، وام پجاری کناں۔ ڈل ءَ صدر مملکت ءَ را پاکستان ءِ معیشت، بینکنگ انڈسٹری ءِ دیمروئی ، ملکی چاگردی ءُ اقتصادی دیمروئی ءَ بینک آنی کرد ءِ ھوالگءَ سرپد کت۔ صدر مملکتءَ بینک ءَ را پاکستان ءَکامیاتیں آپریشنز آنی 160 سال ءَ سرجم بوھگ ءِ پد ءَ مبارک بات داتگ۔ صدر مملکت ءَ گوشتگ کہ بینک ءَ ملکءِ بینکنگ سیکٹر ءِ بنگیج ءَ لائک ءِ ستائیں توسیپی کرد ءِ پیلو کتگ۔ آئیءَ اے امیت سہرا کت کہ بینک ملک ءَ وتی آپریشنز آناں شاھیگانی دنت انت ءُ پاکستانی معیشت ءَ ارزشتی ایں کرد ءِ پیلو کنت انت۔
