راولپنڈی۔ 03 جولائی (اے پی پی) اینٹی نارکوٹکس فورس منشیات اسمگلنگ نا برخلاف کریک ڈاؤن اٹی 3 کارروائی تیٹی 6 کلومنشیات دوئی کرسا 5 دوبہ دار آتے دزگیرکرے۔ اے این ایف ہیڈکوارٹر راولپنڈی آن جاری رپورٹ نارداٹ تدوک آ بیست ءُ چار گھنٹہ ٹی کروک آ انسداد منشیات 3 کارروائی تیٹی 6 کلومنشیات دوئی کرسا 5 دوبہ دار آتے دزگیرکرینے۔ اولیکو کارروائی ٹی مین بس اسٹاپ جامشورو نا خڑک دوبہ دار اسے آن 3 کلوچرس دوئی کرے۔ ارٹ میکو کارروائی ٹی کلفٹن کراچی ٹی 3 دوبہ دار آتیان 2 کلوچرس وخت اس کہ مسٹ میکو کارروائی ٹی ماناوالہ اسٹاپ لاہور نا خڑک زالبول اسے آن 1 کلوہیرون دوئی کننگا۔ دزگیر دوبہ دار آتا برخلاف انسداد منشیات ایکٹ انا رداٹ مقدمہ نوشتہ کرسا جاست وپاست نا بناءِ کننگانے۔
