دوشنبہ۔3جولائی  (اے پی پی): وزیراعظم محمد شہباز شریف شنگھائی کمکار تنظیم کونسل آف ہیڈز آف اسٹیٹ نا دیوان و ایس سی اوپلس  سروکی دیوان اٹی بشخ ہلنگ کن دوشنبہ غان قازقستان نا دارالحکومت آستانہ کن روانہ مسنے۔ وزیراعظم آفس نا میڈیا ونگ آن جاری بیان نا رداٹ وزیراعظم محمد شہباز شریف 3و4 جولائی آآستانہ ، قازقستان اٹی شنگھائی کمکار تنظیم کونسل آف ہیڈز آف سٹیٹ (سی ایچ ایس) نا دیوان و ایس سی او پلس (ایس سی او۔پلس) نا سروکی دیوان اٹی بشخ ہلنگ کن قازقستان آکاہک۔ اوڑتون اوار نائب وزیراعظم و وزیرخارجہ محمد اسحاق ڈار و کابینہ نا ایلو سینئر باسک و بڑزکو سرکاری آفیسر آک ہم مریرہ۔ شنگھائی کمکار تنظیم نا سروک آتا کونسل نا دیوان اٹی وزیراعظم اہم علاقائی و جہانی ویل آتیا پاکستان نا نقطہ نظر ءِ پیش کیک۔ وزیراعظم ایس سی او ۔پلس سمٹ آن ہم تران کیک۔ وزیراعظم اہم علاقائی و جہانی ویل آتیا پاکستان نا موقف آن معلومدارکیک۔ وزیراعظم ایس سی او ڈیہہ انا مخلوق نا راجی آسودہی نا بابت شنگھائی کمکار تنظیم نا اہمیت ءِ تالان کیک۔ وزیراعظم سروکی دیوان نا وخت آشریک راہشون آتون اوڑدہی ہم کیک۔ وزیراعظم محمد شہباز شریف نا اینو چارشنبے نادے آ روس انا صدر ولادی میر پیوٹن، ازبکستان نا صدر شوکت مرزایوف تون اوڑدہی گمانی ءِ۔ اینوپاکستان، ترکیہ و آذربائیجان نا نیام اٹ سہ فریقی گپ وتران نا دور اس مریک ہراٹی وزیراعظم نا بشخ ہلنگ ہم گمانی ءِ۔ وزیراعظم اینو شنگھائی کمکار تنظیم نا باسک ملک آتا سروک آتا اعزاز اٹی قازقستان نا صدر قاسم جومارت توکائیوف نا کنڈآن تروک آ سُوارہ ٹی ہم بشخ ہلیک۔

 

متعلقہ مضامینمصنف کی طرف سے مزید