دوشنبہ۔ 03 جولائی (اے پی پی) وزیراعظم محمد شہباز شریف پارینے کہ پاکستان تینا ’’ویژن سینٹرل ایشیا‘‘ پالیسی نا رداٹ تاجکستان تون اوار نیامی ایشیائی ملک آتون رابطہ غاتا پین مون آ دننگ ءِ برجاتخک، پاکستان نیامی ایشیائی ملک آتے واپاری راہداری فراوان کننگ و علاقائی واپار نا مون آ دننگ کن زوت آتے اٹ علاقائی کنیکٹیویٹی سمٹ نا مہمانداری ءِ کیک۔ داخیال آتا درشانی ءِ وزیراعظم محمد شہباز شریف تاجکستان نا تینا ہم منصب قاہر رسول زادہ تون داڑے چارشنبے نادے آاوڑدہی ٹی کرے۔ وزیراعظم آفس نا میڈیا ونگ آن جاری بیان نارداٹ اوڑدہی ٹی وزیراعظم محمد شہباز شریف و تاجکستان نا وزیراعظم قاہر رسول زادہ ہڑتوم آ ملک آتا ایلمی تعلقداری تے پین سوگو کننگ نا عزم انا درشانی ءِ کرینو وخت اس کہ وزیراعظم محمد شہباز شریف تاجک وزیراعظم ءِ کراچی بندرگاہ راہداری واپار کن کاریم اٹ اتنگ نا سلہ خلکنے۔ اوڑدہی ٹی ہڑتوم آ راہشونک تین پہ تینی است خواہی نا غٹ بشخ آتیٹی ہڑتوم آ کنڈآتا کمکاری نا مون آ دننگ آ است جمی نا درشانی ءِ کننگا و پاکستان و تاجکستان نا نیام اٹ ساڑی آ ایلمی تعلقداری تے پین سوگو کننگ نا اسیجائی است خواہی نا درشانی ءِ کریر۔ داوخت آ وزیراعظم شہباز شریف تاجک وزیراعظم ءِ مسٹ میکو بڑزکو کہولی آبی کانفرنس نا سرسہب اڈتننگ آ مبارکبادی تس و آبی سفارت کاری نا بشخ اٹی تاجکستان نا قائدانہ کڑد انا ستاءِ کرے۔ سٹریٹجک شریداری نا معاہدہ غا دستخط ءِ پاکستان و تاجکستان نا نیام اٹ ہڑتوم آ کنڈآتا تعلقداری ٹی اسہ تاریخی ءُ مزل اسے نا نشان گوندسا وزیراعظم دا اومیت نا درشانی ءِ کرے کہ ہڑتوم آ ملک آتا نیام اٹ تعلقداری نا دابڑزی آن تین پہ تینی وڑاٹ فائدہ ئی اقتصادی کمکاری نا پوسکن آبشخ آتیٹی کمکاری ءِ مون آ دننگک۔ وزیراعظم شہباز شریف پارے کہ پاکستان تینا ’’ویژن سینٹرل ایشیا‘‘ پالیسی نا رداٹ تاجکستان تون اوار نیامی ایشیائی ملک آتون رابطہ غاتا پین مون آ دننگ ءِ برجاتخک۔ اوڈیہہ انا پائیدار و مریس مدتی راجی واقتصادی شونداری کن علاقائی رابطہ غاتا اہم اہمیت آ ہم زور شاغا۔ وزیراعظم شہباز شریف سویلی و نیامی ایشیائی ڈیہہ اٹی علاقائی رابطہ غاتا اہمیت آ زور شاغا۔ اوتاجک وزیراعظم ءِ کراچی بندرگاہ ءِ ٹرانزٹ واپار کن کاریم اٹ اتنگ نا سلہ خلک و پارےکہ ہڑتوم آ ملک آتا نیام اٹ ریل ٹریکس و سڑک آتا تفنگ آن علاقائی رابطہ غاتے پین مون آ دننگ مریک۔
