دوشنبہ۔ 03 جولائی (اے پی پی) پاکستان و تاجکستان پارلیمانی فرینڈ شپ گروپ و پارلیمانی ڈل آتا ہن و بر ءِ ودفنگ آ امناکرینو۔ دا امنائی سلاہ ءِ چارشنبے نادے آ وزیراعظم محمد شہباز شریف تون تاجکستان نا مجلس اولیٰ (تاجک پارلیمنٹ) نا مجلس نمائندگان (ایوان زیریں) نا چیئرمین محمد طائر زاکرزادہ تون اوڑدہی ٹی طے مس۔ اوڑدہی ٹی ہڑتوم آ راہشونک ہڑتوم آ کنڈآتا تعلقداری نا ساڑی آ حالیت آتیا گپ وتران کریر۔ اوفک ہڑتوم آ ملک آتا نیام اٹ پارلیمانی کہول آ کمکاری نا بابت است جمی نا درشانی ءِ کرسا ہڑتوم آکنڈآتا تعلقداری تے پین ودفنگ کن مہالو آن جوڑ پارلیمانی فرینڈ شپ گروپس و باقاعدہ پارلیمانی ہن و برتے سوگو کننگ آامنا کریر۔ اوڑدہی ٹی وزیراعظم داہیت آ زور شاغا کہ پارلیمنٹ نا باسک آک ہڑتوم آ ملک آتا الس ءِ خڑک اتنگ اٹ اہم ءُ کڑد اس ادا کیرہ۔ ہڑتوم آ راہشونک پاکستان و تاجکستان نا پارلیمنٹ نا باسک آتا پدریسہ گپ وتران و رابطہ غاتا اہمیت آ زور شاغا۔ وزیراعظم جمہوریہ تاجکستان نا آئین نا 30 می سال دے آ چیئرمین ءِ ہم مبارکبادی تس۔ یات سلے کہ وزیراعظم تاجکستان نا صدر امام علی رحمان نا سلہ غا تاجکستان نا اِرادے ئی سرکاری دورہ غا تاجکستان نا دارالحکومت دوشنبہ ٹی ءِ۔
