مزن وزیر ءَمون سون ءِ  ساھت ءَ توامیں   سیادی داروکیں  ادارگ آناں  ہائی  الرٹ بوھگ  ءِ  پنت ءُ شون  ،   کجام  ھم  جاور  ھال آں  گوں  گر ءُ چیل بوھگ  ءِ واستہ   مزن  تکی  کمیٹی ءِ  جوڑ  کتگ، بلوچستان ءَ جولائی ءِ سمی  ، چارمی ءُ اگست  ء ِ اولی  ہفتگ  آنی  تہءَتیاب دپ   ءُ سندھ    بلوچستان ءِ سیم  سرئی   دمگ آنی اندر  ءَ   ھور  شنزگ  ءِ گمان انت

اسلام آباد۔2جولائی  (اے پی پی): مزن وزیر  ءِ  مون سونءِ ساھت ءَ توامیں سیادی  داروکیں  ادارگ  آناں  ہائی الرٹ     بوھگ ءِ پنت ءُ شون،  کجام  ھم  نہ وشیں  جاور ھال آنی گوما  گر ءُ  چیل بوھگ ءِ واستہ   مزن تکی  کمیٹی ءِ  جوڑ کتگ۔  مزن  وزیر  کارگس  ءِ  میڈیاونگ ءِ نیمگ ءَ جاڑی بوتگیں   بیان ءِ رد ءَ اے پنت ءُ شون  مزن وزیر ءَ سئے شمبے  ءَ وتی ل سروکی ءَ  مون سون     ءِ  پیشوکی    گوشت     ءُ  ایشی  ءَ چہ پیداک  بوھوکیں  زوتیں  جاور  ھال آنی گر ءُ چیل بوھگ ءِ واستہ  چار ءُ تپاسی  دیوان ءَ  بدیت۔  دیوان ءَ  بنجاھی    وزیر   احد  خان چیمہ ، عطا اللہ ل  تارڑ،  رانا تنویر  حسین، چیئرمین این ڈی ایم  اے  لیفٹیننٹ  جنرل انعام  حیدر ملک ءُ سیادی داروکیں   کارندہ  آں  بھر زوری  کت۔   دیوان ءَ چاریں صوبگ  آنی چیف  سیکرٹریز آنی  گوما  ویڈیو  لنگ  ءِ وسیلگ ءَ  بھر زوری  کت۔ دیوان   ءَ مزن وزیر ءَ مون  سون  ءَ چہ   پیداک بوھویں  اوست  سیلاپی  جاور ھال  آنی  وت  نگرانی  ءِ پیسلہ  کتگ   ۔  مزن وزیر ءَمون  سون ءِ ساھت ءَتوامیں  سیادی داروکیں اداسرگ آناں  ہائی الرٹ    بوھگ ءِ  پنت ءُ شون کتگ۔   مزن  وزیر    مون سون ءِ ھوالگ ءَ   کجام ھم   ایمرجنسی جاور ھال آں  گوں گر ءُ چیل بوھگ  ءِ واستہ  مزن تکی   کمیٹی  ءِ    جوڑ  کت۔  مزن  وزیر ءَ  پنت ءُ  شون  کت کہ  این ڈی ایم  اے توامیں صوبائی   حکومت  ءُ سیادی  داروکیں  ادارگ آناں مون  سون ءِ ھوالگ ءَ  کمک  بکنت،  ایمرجنسی  جاور  ھال  آنی   اوست   بوتگیں رنگ ءَ آماچیں  دمگ    آنی  مردم   آناں مون  سون ءِ  ھوالگ ءَ پیشوکی  اھوال پجاری  ءَ را دل یکیمی  جوڑ   کنگ بہبیت۔  مزن وزیر ءَ گوشتگ کہ  دھکان   ءُ   کور آنی نالی   آنی  کش ءُ کراں  نندوکیں  مردم آناں   ھمک  روچی    بنیات  ءَ  میڈیا  ءُ  ایندگر   ھال در  آنی پیشوکی  اھوال  دیگ بہ بیت۔    ما پنت ءُ شون  کتگ کہ مون  سون ءِ  ھوالگ ءَ پیشوکی اھوالکار آناں  راجی  شنگ  ءُ   تالانی  ءِ  بھر  جوڑ کنگ بہبیت،  دھکان   آناں   یک شلی ءِ گوما  موسم ءِ جاور  ھال آنی  بابت ءَ سرپد  کنگ بہ بیت۔  کجام  ھم نہ وشیں    جاور ھال آناں  دھکان آنی   گیشاں چہگیش  کمک   کنگ  بہ بیت۔  دیوان  ءَ این  ڈی ایم     ءِ نیمگ ءَ چہ   مون سون ءِ   انوگ ءَتاں  پیشوکی    ءُ اوست  بوتگیں  بیم   آنی گوما آماچیں دمگ   آنی  ھوالگ ءَ سرجمیں  بریفنگ   دیگ بوت۔  بریفنگ   ءَ گوشگ بوت  کہ جولائی ءِ اولی ءُ دومی  ہفتگ  ءَ چاریں  صوبگ آنی تہءَ مون  سون ءِ   سک باز  ھور   اوست   کنگ بوتگ۔   گوزوکیں مون  سون   ھور آنی  ر چ  پاکستان   ءَ   زر باری   رودراتک  ءَ چہ  بیت    شمال ءِ نیمگ ءَ چہ  جنزئیت۔   جولائی ل ءِ اولی ہفتگ  ءَ پوٹھوہار ءُ پنجاپ  ءِ  رودراتکی  بھر ءَ  ھور اوست کنگ بوتگ۔  جولائی   ءِ دومی  ہفتگ  ءَ راولپنڈی، سرگودھا،    گجرانوالہ، لاہور  ءُ   فیصل آباد   ءَ    ھور شنز ائیت وھدیکہ بہاولپور، ملتان، ساہیوال  ءُ ڈیرہ  غازی  خان  ڈویژن  ءَ   جاھے جاھے  ھور بوھگ ءِ    گمان انت۔  بریفنگ ءَ گوشگ بوت کہ اگست ءِ اولی دو ل ہفتگ  آنی  تہءَ ستلج ، چناب  ءُ  راوی ءَ سیلاپ    ءِ جاور ھال    اوست  کنگ بوتگ۔  اے  کور  آنی کش ءُ کراں   آباتی آناں   ناں ایوک ءَ پیشوکی اھوال  ءُ   لڈ ءُ بار   ءِ واستہ   تیاری  سرجم  انت۔    بلکینگ ءَ  کجام  ھم   زوتیں   جاور آنی   گوما گر  ءُ چیل    بوھگ ءِ واستہ   تیاری  کنگ   بوتگ۔  سندھ   ءَ  جولائی ءِ دومی ءُ چارمی ہفتگ  ءَ کراچی، میر پورخاص، نواب شاہ، سکھر   وحید آباد ءَ   ھور ءَ شنزگ اوست  کنگ بوتگ۔  تھر پار کر ، بدین  ٹھٹھہ  ءُ  عمر کوٹ ءَ اگست ءِ سیمی  ہفتگ   ءَ ھم مون  سون  ھور    ءِ اوست   کنگ بوتگ۔   خیبر پختونخوا  ءَجولائی ءَ ہزارہ، مالا کنڈ،  مردان ،  پشاور، کوہاٹ، بنوں  ءُ ڈیرہ  اسماعیل  خان ءَ   ھور  شنزگ  اوست  کنگ بوتگ۔  خیبر پختونخوا  ءَ   مون سون  ھور آنی رچ   اگست   ءِ   سیمی  ہفتگ   ءَ تاں      بوھگ  گما ن  انت۔  بلوچستان ءَ جولائی ءِ سمی  ، چارمی ءُ اگست  ء ِ اولی  ہفتگ  آنی  تہءَتیاب دپ   ءُ سندھ    بلوچستان ءِ سیم  سرئی   دمگ آنی اندر  ءَ   ھور  شنزگ  ءِ گمان انت۔ اگست   ءِ سمی   ہفتگ  ءَلسبیلہ،اورماڑہ، خضدار،  بارکھان، سبی ءُ ژوب  ءَ مزنیں کساس ءَ ھور   بوھگ ءِ گمان  انت۔ گلت  بلتستان    ءَ جولائی  ءَ   کمو  ھور   وھدیکہ   اگست ءِ   اولی   سئے  ہفتگ آنی تہءَ  مزنیں کساس ءَ  ھور  بوھگ   گمان انت  وھدیکہ  سکردو، ہنزہ   ، چلاس  ءُ غذر  ءَ  ھور   گمان  انت۔  آزات  کشمیر   ءَ جولائی ءِ اولی سئے   ہفتگ  آنی تہءَ مزنیں   کساس ءَ   ھور شنزگ    ءُلینڈ  سلائیڈنگ  ءِ  بیم   ءُ  ھوپ است انت۔   دیوان  ءَ ستلج ءُ چناب ءِ   کنارگ آنی  آباتی آنی اندر ءَ   کجام  ھم   ایمرجنسی  جاور ھال  آنی  رد ءَ ریسکیو  ءُریلیف   ءِ   تیاری   آں چہ سرپد  کنگ بوتگ۔  سرجمیں ملک ءَ  کٹی،   لانچ ،   تمبو،   آپ  در کنگ ءِ واستہ پمپ ،  درمان  ءُ ایندگر  المی ایں سامان آناں  در چنگ ءُ امبار جوڑ کنگ بوتگ۔   بریفنگ   ءَ    گیش  گوشتگ  مونسون ءِھوالگ  ءَ تیاری  گوزوکیں   سال   جنوری  وھدیکہ   ایمرجنسی ءِ   جاور ھال آنی گوما  گر ءُ چیل بوھگ ءِ واستہ   ایکسرسائز   مارچ ءَ چہ  جاڑی  بنت۔  ریسکیو  ادارگ ، پی ل ڈی  ایم یاز،  ارد  پاکستان    ءِ    ٹروپ  ءُ این ڈی ایم  اے  یک شلی ءَ  اوست  بوتگیں رنگ ءَ آماچیں دمگ آنی  تہءَ ہائی  الرٹ    ءِ سر ءَ انت۔   مون سون الرٹ  ءُ موسم  ءِ  جاور ھال آنی  گوما    پیشوکی  اھوال ءِ واستہ  این ڈی ایم  اے  ءَ یک  موبائل  ایپ  ءِ سہرا  کنائینتگ ایش  مردم ایشرا کارمرز کنگ ءَ انت ، مون  سون  ءَ کجام  ھم   زوتیں جاور ھال آنی گوما گر ءُ چیل بوھگ ءِ واستہ    مون سون  کنٹنجینسی پلان  رد ءُ  بند  کنان ءَ  سیادی  داروکیں  ادارگ   ءُ صوبائی حکومت  آناں     روان دیگ بوتگ۔