سیکورٹی فورس آک 9 دہشت گرد آتے جہنمی کرسا دشمن نا ناپاک عزم ءِ مش تا کریر، وزیرداخلہ

اسلام آباد۔ 02 جولائی (اے پی پی) بنجائی وزیر داخلہ محسن نقوی خیبرپختونخوا نا چندی علاقہ غاتیٹی دہشت گرد آتا برخلاف سرسہب آپریشن آ سیکورٹی فورس آتے زبردست لوز آتیٹی خراج تحسین پیش کرسا پارینے کہ سیکورٹی فورس آک 9 دہشت گرد آتے جہنمی کرسا دشمن ناناپاک عزم ءِ مش تا کریر۔ سیکورٹی فورس آک تیراہ و لکی مروت اٹی دہشت گرد آتے عبرت ناک انجام اسکان سرکریر۔ قوم ءِ سیکورٹی فورس آتیا گمر ءِ۔ رکھ و پرامن پاکستان نا جہد اٹی سیکورٹی فورس آتا تاریخ ساز کڑد انا مچ آ دنیا معترف ءِ۔ محسن نقوی پارےکہ دہشت گرد آتے پاکستان اٹ ڈکنگ کن جاگہ ملیپک۔ پاک وطن آن آخیریکو دہشت گرد انا چٹفنگ اسکان دا جنگ برجاسلک۔ محسن نقوی پارے کہ مچ آ قوم دہشت گردی نا برخلاف جنگ اٹی سیکورٹی فورس آتون ہم کوپہ سلوک ءُ۔