واپاری مون آ دننگ کن روس و سینٹرل ایشیاءِ کراچی پورٹ اتون گنڈنگ نا خواہندار اُن، عبدالعلیم خان

اسلام آباد۔ 02 جولائی (اے پی پی) بنجائی وزیر نجکاری، زرکاری بورڈ و مواصلات عبدالعلیم خان تون روس انا سفیر البرٹ پی خوریف اوڑدہی کرے۔ اوڑدہی ٹی ہڑتوم آتا نیام اٹ تین پہ تینی است خواہی نا چندی امور تیا گپ وتران کننگا۔ بنجائی وزیر عبدالعلیم خان پارے کہ پاکستان کن روس زرگزرانی و جغرافیائی لحاظ اٹ بھاز اہمیت تخوک ءُ ملک اسے، وسط ایشیائی ملک و سویلی ایشیانا ملک آتا نیام اٹ رابطہ اہمیت تخک، واپاری مون آدننگ کن روس وسیٹرل ایشیاءِ کراچی پورٹ اتون گنڈنگ ناخواہندار اُن۔ بنجائی وزیر عبدالعلیم خان روسی سفیر تون ہڑتوم آ کنڈآتا واپاری و زرکاری امور آ ہم سرجمی اٹ گپ وتران کرے۔ بنجائی وزیر عبدالعلیم خان و روس انا سفیر نا نیام اٹ اوڑدہی ٹی چندی بشخ آتیٹی ہڑتوم آ کنڈآتا عملی پیش رفت آ امنامس۔ بنجائی وزیر روس انا سفیر ءِ تیناساڑی آ دورہ ءِ سینٹرل ایشیاغان معلومدار کرے۔ داوخت آ روسی سفیر البرٹ پی خوریف پارے کہ روس پاکستان ءِ چندی ڈٹ آتیٹی مالی و تکنیکی کمک فراوان کننگ نا خواہندار ءِ، چین پاکستان و سینٹرل ایشیائی ملک آتا روس اسکان نیٹ ورک اہمیت تخک ۔ روسی سفیر بنجائی وزیر تون گپ وتران کرسا پارے کہ تاجکستان ،ازبکستان و اوغانستان نا کسر پاکستان اسکان ڈغاری رابطہ خواہک۔