گورنرخیبرپختونخوا نا تاجکستان نا بزنس کمیونٹی ءِ صوبہ ٹی زرکاری نا سلہ

پشاور۔ 02 جولائی (اے پی پی) گورنر خیبرپختونخوا فیصل کریم کنڈی پارینے کہ پاکستان و تاجکستان نا نیام اٹ زرکاری، واپاری بشخ اٹی ہڑتوم آ کنڈآتاکمکاری ءِ مون آ دننگ خوانہ، تاجکستان نا بزنس کمیونٹی ءِ خیبرپختونخوا ٹی زرکاری نا سلہ خلینہ۔ داخیال آتا درشانی ءِ او تاجکستان نا شار دوشنبے ٹی پنی آ صنعتی گروپ ایوسٹو نا ہیڈ کوارٹر نا دورہ نا وخت آ کرے۔ داوخت آ گروپ ڈائریکٹر زرکاری بیجن اذونو گورنر خیبرپختونخوا ءِ ایوسٹوانڈسٹریز نا چندی بشخ آتا معائنہ ءِ کرفے و حوال تس۔ ہندا گروپ بیورجز، بینکنگ ، میٹ بس ، مینوفیکچرنگ ، ہاؤس ہولڈ اپلائسنز و انٹرنیٹ نا فراوانی تون اوار چندی بشخ آتیٹی کاریم کننگ ءِ۔ گورنر خیبرپختونخوا ءِ ڈل اتون اوار ایوسٹو آٹو مموبائل انڈسٹری نا ہم دور ہ  ءِ کرفنگا ، گورنر خیبرپختونخوا صنعتی آزموندہ غاتا ہل و تس کن ایوسٹو گروپ نا ڈل ءِ خیبرپختونخوا نا دورہ نا ہم سلہ خلک۔ داوخت آ گپ وتران کرسا گورنر خیبرپختونخواپارے کہ قدرتی وسیلہ غاتیان شپ صوبہ خیبرپختونخواجہانی زرکارآتیکن پرکشش ءُ ہند اسے، زرکارآتے سازگار چاگڑد اس فراوان کننگ تون ہرممکن کمک فراوان کینہ۔ اوپارے کہ شونداری کن زرگزرانی شونہالی بنداوی عنصر ءِ۔